Миллий статистика қўмитасининг дастлабки маълумотларига кўра, Ўзбекистонда автомобиль ишлаб чиқариш саноатида 2025 йилнинг январь—февраль ойларида 53 522 дона ҳар хил турдаги енгил автомобиллар (махсус енгил автомобиллардан ташқари) ишлаб чиқарилган.
Автомобильларнинг русумлар бўйича тақсимоти қуйидагича:
- Cobalt — 19 461 дона;
- Damas — 12 983 дона;
- Onix — 6 718 дона;
- Tracker — 5 837 дона;
- Kia — 4 102 дона;
- BYD — 1 912 дона;
- Chery — 1 392 дона;
- Haval — 1 117 дона;
- Махсус енгил автомобиллар — 3 812 дона.
2024 йилда йирик корхоналар томонидан 424 808 дона ҳар хил турдаги енгил автомобиллар ишлаб чиқарилган бўлиб, йиллик ҳисобда ҳам Cobalt улуши энг юқори бўлган — 164 887 та.
2025 йилнинг февраль ойида иккиламчи автомобиль бозорида маҳаллий оммабоп автомобилларнинг ўртача нархи пасайди. Хусусан, Cobalt ўртача фойдаланилгани — 2,4 фоизга (12 300 доллардан 12 000 долларга), кам фойдаланилгани — 1,2 фоизга (12 750 доллардан 12 600 долларга), кўп фойдаланилгани — 0,5 фоизга (11 600 доллардан 11 538 долларга) пасайди.
Изоҳ (0)