Статистика агентлиги 2025 йил январь-февраль ойларидаги мамлакат саноат кўрсаткичларини эълон қилди.
Агентлик таҳлилига кўра, 2025 йилнинг биринчи икки ойида 189,4 тонна автомобиль бензини ишлаб чиқарилди. Таққослаш учун, 2024 йил мос даврида 241,1 тонна, 2023 йил илк икки ойида эса 263,9 тонна бензин ишлаб чиқарилган.
Январь февралда дизель ёқилғиси ишлаб чиқариш ҳам кескин камайиб, 74,5 тоннани ташкил этган. Ўтган йил мос даврида бу миқдор 123,1 тонна бўлган.
Табиий газ қазиб олиш ҳажми ҳам тарихий минимумларга пасайишда давом этган. Икки ой ичида 7,4 млрд куб метр газ қазиб олинган. Таққослаш учун, 2024 йил мос даврида 7,7 млрд куб метр, 2023 йилнинг илк икки ойида 8,2 млрд куб метр газ қазилган.
Жорий йил январь февралда 14 млрд киловатт соат электр энергияси ишлаб чиқарилди. 2024 йил мос даврида бу рақам 14,6 млрд киловатт соат бўлган.
Жорий йилнинг дастлабки икки ойида республикада жами 53 522 дона енгил автомобиллар ишлаб чиқарилди (2024 йил мос даврида 53 329 дона).
Ўзбекистонда ҳамон Chevrolet автомобиллари ишлаб чиқарилиши юқори улушни ташкил этмоқда. Январь февраль ойларида мамлакат миқёсида энг кўп — 19 461 дона Cobalt ишлаб чиқарилди. Бу ўтган йил мос даврига нисбатан 21,1 фоизга кўп (2024 йилда 16 067 дона).
Кейинги ўринда заводдан чиққан Damas (12 983 дона) машиналари сони кўп (2024 йилда 11 752 та). Onix ишлаб чиқариш ҳам 25,4 фоизга ортиб, 6 718 донага етган (ўтган йил мос даврида 5 357 дона).
Шу билан бирга, икки ой мобайнида 5 837 дона Tracker, 4 102 дона Kia, 3 812 дона махсус енгил автомобиллар, 1 912 дона BYD, 1 392 дона Chery, 1 117 дона Haval автомобиллари ишлаб чиқарилган.
Изоҳ (0)