Мадриднинг “Реал” клуби ҳужумчиси Родриго Англияга йўл олиши мумкин. АS нашрининг хабарига кўра, бразилиялик футболчининг хизматларига “Манчестер Юнайтед” жиддий қизиқиш билдирмоқда.
Манбага кўра, манкунианликлар устози Рубен Аморим бразилиялик вингерни жамоага таклиф қилиб, ўнг қанот ҳужум чизиғини кучайтиришни истамоқда. Родригога Манчестернинг бошқа жамоаси — “Сити” ҳам жиддий қизиқиш билдирмоқда, аммо футболчининг клубдаги тақдири номаълумлигича қолмоқда.
Родриго яқин кунларда “Реал”нинг янги бош мураббийи бўлиши кутилаётган Хаби Алонсо билан учрашиб, ўз келажагини муҳокама қилмоқчи. Ушбу суҳбатдан кейин Мадрид клубида қоладими ёки кетадими — бу борадаги қарорини қабул қилади.
Родригонинг “қироллик клуби” билан шартномаси 2028 йилнинг июнь ойигача амал қилади. Унинг трансфер қиймати 100 миллион еврога баҳоланмоқда.
Аввалроқ мадридликлар бразилиялик жамоани тарк этиши мумкинлигини инобатга олиб, унга ўринбосар топганлиги ҳақида хабарлар тарқалган эди.
Шунингдек, Хаби Алонсо бошчилигидаги “Реал” иккита ҳужумчи билан ўйнаши мумкинлиги, шу сабабли Родриго “қироллик клуби”дан кетишга тайёргарлик кўраётгани айтилганди.
Изоҳ (0)