Родриго “Ливерпуль”га ўтишни хоҳламоқда

Мадриднинг “Реал” клуби ҳужумчиси Родриго Гоэс келажаги борасида қарор қабул қилган. ESPN нашрининг хабар беришича, агар бразилиялик футболчи ёзги трансфер ойнасида жамоани тарк этса, у Англия Премер Лигасининг “Ливерпуль” клубига ўтади.

Манбага кўра, “Реал Мадрид” раҳбарияти Родриго учун 100 миллион евро сўрамоқда. Бироқ ҳозирча мерсисайдликлар ушбу суммани тўлашга тайёр эмас.

ЭСПН нашрининг қўшимча қилишича, “Реал” бош мураббийи Хаби Алонсо футболчини жамоада олиб қолмоқчи. У камида яна бир мавсум Родригони таркибда сақлаб қолишни истамоқда, чунки ҳужумчи аввалги мавсумларда ўз салоҳиятини намойиш этган. Бироқ сўнгги ойларда бразилиялик футболчи ўзининг энг яхши ўйинини кўрсата олмаяпти ва кўпроқ захирада қолмоқда. Айнан шу омил унинг жамоадан кетиш эҳтимолини оширмоқда.

Аввалроқ Родриго билан “Манчестер Сити” ҳам жиддий қизиқаётгани ҳақида хабарлар тарқалган эди. Маълумотларга кўра, “шаҳарликлар” унга 2030 йилгача мўлжалланган шартнома таклиф қилишга тайёр. Бироқ ҳозирча “Сити” раҳбарияти “Реал” билан расмий музокара ўтказмаган.

• Маълумот учун, Родриго ўтган мавсум “Реал” сафида жами 54 та ўйинда майдонга тушиб, ўз ҳисобига 14 та гол ва 11 та голли узатма ёздириб қўйган.
• Унинг клуб билан шартномаси 2028 йил ёзига қадар амал қилади.
• Transfermarkt портали бразилиялик футболчининг қийматини 90 миллион еврога баҳоламоқда.