Леверкузеннинг “Байер” ҳамда Эквадор терма жамоаси ҳимоячиси Пьерро Инкапие Испанияга етиб келди. El Chiringuito нашрига кўра, ҳимоячи Мадрид аэропортида кўриниш берган.
Манбага кўра, Инкапие “Реал Мадрид”га ўтишга жуда яқин турибди. “Қироллик клуби” Дин Хейсен билан шартнома имзолагач, яна бир марказий ҳимоячи излаётгани ва бу айнан эквадорлик футболчи эканлиги ҳақида хабарлар тарқалди.
Қайд этилишича, Хаби Алонсо клуб раҳбариятидан мазкур трансферни амалга оширишни сўраган. У анча пайтдан бери Инкапие билан ишлаб келмоқда. Шу боис уни янги жамоасида ҳам кўришни истамоқда. Шунингдек унинг асосий мақсади — ҳимоядаги рақобатни кучайтириш.
💣🇪🇨 "HINCAPIÉ está en MADRID".
— El Chiringuito TV (@elchiringuitotv) May 21, 2025
‼️ "Es una opción que puede coger mucho peso para reforzar al Real Madrid".
ℹ️ Información de @marcosbenito9 en #ChiringuitoMadrid. pic.twitter.com/Hw872hOXh8
Шартномада эквадорлик ҳимоячининг товон пули 60 миллион евро деб белгиланган. Агар “қаймоқранглилар” мазкур харидни амалга оширишни истаса, юқоридаги суммани тўлаши талаб этилади.
Пьерро Инкапие 2021 йилдан бери “Байер” сафида тўп суради. У жорий мавсум леверкузенликлар таркибида 45 та ўйинда иштирок этиб, ўз ҳисобига 3 та гол ва 2 та ассист ёздириб қўйган. Унинг немис клуби билан шартномаси 2029 йилгача амал қилади. Transfermarkt портали футболчининг қийматини 50 миллион еврога баҳолаган.
Изоҳ (0)