Футбол бўйича Испания Ла Лигаси 8-турининг марказий учрашуви “Атлетико Мадрид” ва “Реал” жамоалари ўртасида бўлиб ўтди.
Ушбу ўйинда дуранг натижа қайд этилди. Учрашувнинг 64-дақиқасида Милитао ҳисобни очди. Ўйиннинг асосий вақтига ҳакам томонидан қўшиб берилган бешинчи дақиқада Коррея мувозанатни тиклади.
Шу тариқа “Реал” жамоаси ушбу мавсумдаги учинчи бор дуранг ўйнади. Ушбу дурангдан сўнг “қироллик клуби” 18 очко билан мусобақа жадвалида 2-ўринни эгаллаб турибди. Мезбонлар эса 16 очко билан 3-поғонадан жой олди.
Ла лига
8-тур
29 сентябрь, якшанба
“Атлетико” – “Реал Мадрид” 1:1
Голлар: 0:1 — Милитао (64), 1:1 — Коррея (90+5).
“Атлетико”: Облак, Рейнилду (Галан, 75), Хименес, Ле Норман, Молина (Коке, 46), Алварес (Рикельме, 75), Галлахер (Корреа, 70), Льоренте, Де Пол, Серлот (Лино, 56), Гризманн.
“Реал Мадрид”: Куртуа, Менди, Милитао, Рюдигер, Карвахаль, Беллингем, Тчуамени, Модрич (Васкес, 86), Вальверде, Винициус Junior (Эндрик, 87), Родриго (Фран Гарсия, 90).
Огоҳлантиришлар: Модрич (40), Ле Норман (63), Галлахер (70), Алварес (75).
Четлатиш: Льоренте (90+9).
Изоҳ (0)