“Реал Мадрид” ярим ҳимоячиси Жуд Беллингем Клублар ўртасидаги Жаҳон чемпионатидан сўнг елкасидаги жароҳати сабаб жарроҳлик столига ётади. Бу ҳақда The Athletic нашри хабар бермоқда.
Манбага кўра, англиялик футболчи 2023 йилнинг ноябридан бери елкасидаги оғриқ билан ўйнаб келаётган эди. Унинг операцияси 15 июндан 13 июлгача АҚШда ўтказиадиган Клублар ўртасидаги Жаҳон чемпионатидан кейин ўтказади. Қайд этилишича, тикланиш жараёни тахминан 12 ҳафта давом этади. Шундай экан, Беллингем Ла Лиганинг янги мавсуми стартини ўтказиб юбориши мумкин.
Эслатиб ўтамиз, 2023/24 йилги мавсумда Беллингем “Реал”нинг барча турнирлар доирасидаги 50 ўйинда майдонга тушиб, 13 та гол ва 14 та ассист муаллифига айланган. Унинг клуб билан шартномаси 2029 йилнинг ёзига қадар амал қилади.
Маълумот учун, “Реал” Жаҳон чемпионатининг гуруҳ босқичида “Ал-Ҳилол”, “Пачука” ва “Зальцбург” билан баҳс олиб боради.
Изоҳ (0)