“Манчестер Сити” бош мураббийи Хосеп Гвардиола жамоани тарк этишига сабаб бўлиши мумкин бўлган омил ҳақида гапирди. Бу ҳақда инсайдер Фабрицио Романога таяниб Championat хабар берди.
Унга кўра, клуб кўплаб юлдуз футболчиларни сотиб олишга эътибор қаратишни бошласа, испаниялик мутахассис жамоадан кетади:
Клуб раҳбариятига айтдим: менга юлдузлардан иборат таркиб керак эмас. 5–6 нафар футболчи ўйинни захирадан туриб кузатишини истамайман, мен буни хоҳламайман. Агар жамоа ихчам таркибдан тузилмаса, мен бир кун ҳам қолмайман ва “Манчестер Сити”дан кетаман. Кўп футболчини трибунага қолдириб, уларга ўйин амалиёти бермаслик, мен учун жуда азоб, дейди Гвардиола.
Маълумот учун, “Манчестер Сити” 20 май, сешанба куни Англия Премьер Лигасининг 37-тури доирасида “Борнмут”ни 3:1 ҳисобида мағлуб этиб, Чемпионлар Лигаси йўлланмаси учун ўз имкониятини яхшилаб олди. “Шаҳарликлар” 37-тур ҳолатига кўра 68 очко жамғариб, онлайн жадвалида 3-ўринни эгаллаб турибди.
Изоҳ (0)