“Манчестер Сити” бош мураббийи Пеп Гвардиола жамоанинг “Тоттенҳэм” устидан қозонилган 1:0 ҳисобидаги ғалабасидан кейин ўзбекистонлик футболчи Абдуқодир Ҳусановнинг ўйинига юқори баҳо берди.
Менга Ҳусановнинг жамоа ичида тезда ҳурмат қозонгани ёқади! У футболдан завқ олиб ўйнамоқда. Абдуқодир билан гаплашсангиз доимо табассум билан жавоб қайтаради. Ҳозирги пайтда у таркибдаги энг ишончли футболчилардан бири – жуда тезкор ва аниқ узатмалари ажойиб. Футболда тезлик жуда муҳим, у эса энг тезкор футболчилардан бири. У Лондонга ҳеч қандай сумка ва шахсий буюмларсиз, шунчаки футбол ўйнаш учун келди. Албатта, ҳали кўп нарса ўрганиши керак, сабаби у атиги 20 ёшда. Жамоадошлари уни жуда яхши кўради. Камтарин, меҳнаткаш ва ҳеч нарсадан шикоят қилмайди. Ишонаманки, мухлисларимиз ҳам уни тез орада ёқтириб қолишади”, дея мураббийнинг фикрларини келтирди инсайдер Фабрицио Романо.
Эслатиб ўтамиз, кеча Ҳусанов “Тоттенҳэм”га қарши баҳсда 90 дақиқа ҳаракат қилди. Sofascore нашри футболчининг ҳаракатларини 7 балл билан баҳолади ва ҳимоячилар орасида энг яхшиларидан бири бўлди. “Манчестер Сити” 27-турдан кейин 47 очко тўплаган ҳолда АПЛ турнир жадвалида 4-ўринни эгаллаб турибди.
20 ёшли Абдуқодир Ҳусанов январь ойида “Ланс” клубидан “Манчестер Сити”га 40 миллион евро эвазига трансфер қилинган эди. У “шаҳарликлар” сафида барча мусобақаларда 6 та ўйинда майдонга тушиб, 1 гол уришга муваффақ бўлди.
Изоҳ (0)