“Манчестер Сити” ёзги трансфер ойнасида таркибни кучайтириш режасини бошлади. Бу ҳақда инсайдер журналист Фабрицио Романо хабар бермоқда.
Романо берган маълумотларга кўра, “шаҳарликлар” янги ўнг қанот ҳимоячисини харид қилишни мақсад қилган. Клубнинг спорт директори айни пайтда бу позицияни кучайтириш учун бир нечта номзодларни кўриб чиқмоқда. Аммо ҳозирча ушбу футболчиларнинг номи ошкор қилинмаган.
Аввалроқ клуб ярим ҳимоячиси Нико O’Райли клуб билан янги узоқ муддатли шартнома имзолашни истаётгани ҳақида хабар қилинган эди. Боиси Пеп Гвардиола футболчини қанот ҳимоясида синаб кўришни мақсад қилган.
Маълумот учун, “Манчестер Сити” жорий мавсум кутилган натижаларни кўрсата олмаяпти. “Шаҳарликлар” Чемпионлар Лигасида Мадриднинг “Реал” жамоасига имкониятни бой бериб, мусобақани тарк этди. Жамоа ҳозирда Англия Премьер Лигасида 5-ўринни эгаллаб турибди.
Изоҳ (0)