“Манчестер Сити” бош мураббийи Пеп Гвардиола жамоа ҳимоячиси Натан Аке жароҳат олганини маълум қилди.
Нидерландия терма жамоаси аъзоси Англия Кубоги доирасидаги “Плимут”га қарши ўйинида (3:1) майдонни эрта тарк этишга мажбур бўлди.
Яна бир ҳимоячидан айрилдик. Аке жамоа учун муҳим футболчи эди ва унинг йўқлиги сезилади. Клуб раҳбариятига Рейс ва Ҳусановни таркибга қўшгани учун миннатдорчилик билдираман. Агар бу трансферлар амалга ошмаганида, Кубок ва Чемпионлар лигаси йўлланмаси учун курашиш имконсиз бўларди. Фақат Диас билан бунга эришиш жуда мушкул, – дея Гвардиоланинг сўзларини келтиради Plzsoccer.com.
30 ёшли Аке жорий мавсум АПЛ доирасида 10 та ўйинда майдонга тушган. У “Плимут”га қарши баҳснинг иккинчи бўлими бошида жароҳат сабаб алмаштирилди.
Изоҳ (0)