АПЛ. “Манчестер Сити” 5 та гол урилган ўйинда аутсайдерни йирик ҳисобда мағлуб этди

Футбол бўйича Англия Премьер Лигасининг 25-турида “Манчестер Сити” 25 февраль, шанба куни “Борнмут” билан баҳс олиб борди.

Учрашувнинг 15-дақиқасида Хулиан Альварес ҳисобни очди. 29-дақиқада Эрлинг Ҳоланд манчестерликларнинг иккинчи голига муаллифлик қилди. Биринчи бўлим сўнгида Фил Фоден ҳам ўз ҳисобига гол ёздириб қўйди. 

51-дақиқада эса Крис Мифем ўз дарвозасини ишғол қилиб қўйди. Шу тариқа “шаҳарликлар” ҳисобни 4:0 кўринишига олиб келди. 83-дақиқада Жеферсон Лерма ҳисобни қисқартиришга муваффақ бўлди. Ушбу гол учрашувда сўнггиси бўлиб қолди.

Шу тариқа Пеп Гвардиола шогирдлари очколари сонини 55 тага етказди ва 2-ўринда бормоқда.

АПЛ

25-тур баҳси

25 февраль, шанба

“Борнмут” — “Манчестер Сити” 1:4

Голлар: 0:1 – 15 Альварес, 0:2 – 29 Ҳоланд, 0:3 – 45 Фоден, 0:4 – 51 Мифем (автогол), 1:4 – 83 Лерма.

“Борнмут”: Нето, Смит (Фредерикс, 59), Стивенс, Сенеси, Мифем, Земура, Траоре (Энтони, 76), Лерма, Биллинг (Ротуэлл, 59), Уаттара, Соланке.

“Манчестер Сити”: Эдерсон, Аке (Уокер, 80), Рубен Диаш, Аканжи, Льюис, Гундўған (Серхио Гомес, 55), Грилиш (Маҳрез, 72), Родри (Филлипс, 55), Фоден, Ҳоланд (Перроне, 72), Альварес.

Огоҳлантиришлар: Уаттара (48), Мифем (58), Филлипс (60), Аканжи (63).