Португалиялик афсонавий ҳужумчи Криштиану Роналду 23 август, шанба куни бўлиб ўтган Саудия Арабистони Суперкубоги доирасидаги “Ан-Насср” ҳамда “Ал-Аҳли” жамоалари ўртасидаги учрашувда Риёд клуби сафидаги 100-голини урди. Роналду ўйиннинг 41-дақиқасида пенальтидан ҳисобни очди.
Мазкур гол орқали Роналду яна бир ноёб натижага эришди: у беш хил жамоа сафида камида 100 тадан гол урган тарихдаги ягона футболчига айланди. Португалиялик форвард фаолияти давомида “Манчестер Юнайтед”, “Реал Мадрид”, “Ювентус”, “Ан-Насср” клублари ҳамда Португалия терма жамоаси сафида 100 ёки ундан ортиқ гол киритган.
Роналду ўзи тўп сурган жамоалар ичида фақат биттаси — Португалиянинг “Спортинг” клуби сафида 100 тадан кам гол урган. У Лиссабон клубида 2002/03 йилги мавсумда жами 31 та ўйинда майдонга тушиб, 5 та гол ва 6 та голли узатмага муаллифлик қилган.
Маълумот учун, Роналду профессионал фаолияти давомида жами 1250 та ўйин ўтказиб, 939 та гол урган.
- Роналду 2023 йилдан бери “Ан-Насср” жамоаси шарафини ҳимоя қилади.
- Унинг клуб билан шартномаси 2027 йилнинг ёзига қадар амал қилади.
- Transfermarkt порталига ҳужумчининг қийматини 12 миллион еврога баҳоланган.
Изоҳ (0)