Футбол бўйича Англия Премер Лигасининг 4-туридан ўрин олган бир қатор ўйинлар 27 август, шанба куни бўлиб ўтди.
«Ливерпуль» ўз майдонида «Борнмут»ни қабул қилди. Учрашув мерсисайдликларнинг ҳужумкор ўйини билан бошланди. 3-дақиқадаёқ Луис Диас рақиб дарвозасини ишғол қилди. Орадан бироз вақт ўтиб, Ҳарви Эллиот ҳам ўз ҳисобига гол ёздириб қўйди. Юрген Клопп шогирдлари шу билан тўхтаб қолмади. 28-дақиқада Трент Александер-Арнольд, 31-дақиқада Роберто Фирмино, 46-дақиқада эса Виржил ван Дейклар гол муаллифига айланди. Иккинчи бўлимда ҳам рақибига имкон қолдирмаган «Ливерпуль» Крис Мефамнинг автоголи эвазига ҳисобни 6:0 кўринишига олиб келди. 62-дақиқада Роберто Фирмино дублни расмийлаштирди. 80-дақиқада эса Фабио Карвалью ҳам ўз ҳисобига гол ёздириб қўйди. 85-дақиқада Луис Диас яна битта гол уриб, жамоасининг 9:0 ҳисобидаги ғалабасига ҳисса қўшди.
«Челси» «Лестер» билан баҳс олиб борди. Учрашувнинг 28-дақиқасида Конор Галлагер қизил карточка олиб майдонни тарк этди. Қолган дақиқаларда лондонликлар бир киши кам бўлиб ўйинни давом эттирди. Учрашувнинг 47 ва 63-дақиқаларида Раҳим Стерлинг дублни расмийлаштириб, жамоасини ҳисобда олдинга олиб чиқди. 68-дақиқада Ҳарви Барнс ҳисобни қисқартирди.
«Манчестер Сити» эса «Кристал Пэлас» мезбони бўлди. 4-дақиқада Жон Стоунс ўз дарвозасини ишғол қилган бўлса, 21-дақиқада Андерсон меҳмонлар сафида яна бир гол муаллифига айланди. Иккинчи бўлимда Пеп Гвардиола шогирдлари ирода намойиш этиб, Бернарду Сильванинг битта голи ва Эрлинг Ҳоланднинг ҳет-триги эвазига ғалабани илиб кетди.
Ушбу ғалабадан сўнг «Ливерпуль» очколари сонини 5 тага етказиб, 8-ўринга кўтарилиб олди. «Челси» эса 7 очко билан 6-поғонани, «Манчестер Сити» 10 очко билан 1-ўринни банд этди.
АПЛ
4-тур баҳслари
27 август, шанба
«Ливерпуль» — «Саутҳэмптон» 9:0
Голлар: 1:0 – 3 Диас, 2:0 – 6 Эллиотт, 3:0 – 28 Александер-Арнольд, 4:0 – 31 Фирмино, 5:0 – 45 ван Дейк, 6:0 – 46, Мифем (автогол), 7:0 – 62 Фирмино, 8:0 – 80 Карвалью, 9:0 – 85 Диас.«Ливерпуль»: Алиссон, Александер-Арнольд (Кларк, 83), ван Дейк, Гомес, Робертсон (Цимикас, 69), Ҳендерсон (Байчетич, 70), Фабиньо, Эллиотт (Карвалью, 46), Фирмино (Милнер, 69), Салоҳ, Диас.
«Борнмут»: Треверс, Смит (Соланке, 46), Сенеси, Мифем (Биван, 82), Земура, Лерма, Кристи (Биллинг, 46), Кук (Пирсон, 77; Маркондес, 82), Таверне, Мур, Энтони.
Огоҳлантириш: Смит (35).
«Челси» — «Лестер» 2:1
Голлар: 1:0 – 47 Стерлинг, 2:0 – 63 Стерлинг, 2:1 – 66 Барнс.«Челси»: Менди, Жеймс, Тиаго Сильва, Чалоба, Кукурелья (Чилуэл, 90+2), Лофтус-Чик, Маунт (Аспиликуэта, 46), Жоржиньо (Ковачич, 75), Галлаҳер, Ҳаверц, Стерлинг (Пулишич, 75).
«Лестер»: Уорд, Кастань, Эванс, Амарти, Джастин, Прат (Перес, 55), Барнс, Тилеманс (Ндиди, 89), Сумаре (Иҳеаначо, 55), Дюзбери-Холл, Варди.
Огоҳлантиришлар: Галлаҳер (22), Дюзбери-Холл (31), Прат (40), Ҳаверц (90+3).
Четлатиш: Галлаҳер (28).
«Манчестер Сити» — «Кристал Пэлас» 4:2
Голлар: 0:1 – 4, Стоунс (автогол), 0:2 – 21 Андерсен, 1:2 – 53 Бернарду Сильва, 2:2 – 62 Ҳоланд, 3:2 – 70 Ҳоланд, 4:2 – 81 Ҳоланд.«Манчестер Сити»: Эдерсон, Уокер, Стоунс, Рубен Диаш, Жоау Канселу (Гундўған, 61), Серхио Гомес, де Брюйне (Палмер, 89), Бернарду Сильва, Родри, Фоден, Марез (Альварес, 61), Ҳоланд.
«Кристал Пэлас»: Гуаита, Клайн (Олисе, 74), Уорд, Андерсен, Геҳи, Митчелл (Ричардс, 57), Эзе, Шлупп, Дукуре, Айю (Матета, 74), Эдуар (Хьюз, 67).
Огоҳлантиришлар: Фоден (86), Матета (86).
Изоҳ (0)