Энг йирик футбол янгиликлари сайтларидан бири “Goal” нашри мақола эълон қилди, унда Пеп Гвардиола ҳал қилиши керак бўлган “Манчестер Сити”нинг жорий мавсумдаги 6 та муаммоси ҳақида сўз боради.
Манбага кўра, “Манчестер Сити”нинг биринчи муаммоси — ярим ҳимояда керакли назорат ва мувозанатни тиклаш учун жароҳат олган ярим ҳимоячи Родрини зудлик билан алмаштириш зарурати.
Иккинчи муаммо — ҳужумда норвегиялик Эрлинг Ҳоландга ҳаддан ташқари таяниши. Яъни ҳужум чизиғида етарли куч ва қўллаб-қувватлаш йўқлиги сабабли жамоа голлар уришда қийинчиликларга дуч келмоқда. Учинчи муаммо— “шаҳарликлар” ҳимоясидаги беқарорлик. Бу жамоанинг кўп ўтказиб юборайтоган голларида ва таркиб ва ўйин услубидаги доимий ўзгаришларда намоён бўлмоқда.
Бундан ташқари, нашр “Манчестер Сити”нинг ҳужумда совуққонлик кўрсата олмаслиги, ўйинчиларнинг иш қобилияти пасайгани ва ҳар бир тўп учун курашиш истаги йўқлиги, шунингдек, “Атлетико”га кетган аргентиналик форвард Хулиан Алвареснинг ўрнини босувчи трансферлар бўлмаганига урғу берди.
Маълумот учун, ўтказилган 11 ўйиндан сўнг “Манчестер Сити” 23 очко жамғариб, АПЛ турнир жадвалида иккинчи ўринда бормоқда.
Изоҳ (0)