Ўзбекистон Суперлигасининг 10-тур баҳсида Наманганнинг “Навбаҳор” жамоаси сафарда Тошкентнинг “Бунёдкор” клуби меҳмони бўлди.
Учрашув жадал ва кескин курашларга бой тарзда бошланди. 10-дақиқада “Бунёдкор”нинг грузиялик легионери Имеда Ашортиа пенальтидан ҳисобни очди. Бир оз ўтмай, 19-дақиқада “Навбаҳор” жавоб қайтарди — Русланбек Жиянов пенальтини аниқ амалга ошириб, ҳисобни тенглаштирди.
Иккинчи бўлимда “Навбаҳор” устунликни қўлга киритди. 65-дақиқада яна Русланбек Жиянов бош зарбаси орқали жамоасини олдинга олиб чиқди. 72-дақиқада эса захирадан тушган Шоҳмалик Комилов ҳисобни 3:1га етказди.
Ўйиннинг сўнгги дақиқаларида “Бунёдкор” босимни оширди ва 90+10-дақиқада Луис Качорри ҳисобни қисқартирди, аммо бу гол мезбонларни мағлубиятдан қутқара олмади.
Шу тариқа “Навбаҳор” сафарда муҳим 3 очкони қўлга киритиб, турнир жадвалида 4-ўринга кўтарилиб олди.
“Дарё” “Бунёдкор” ва “Навбаҳор” ўртасидаги ўйиндан фотогалерея тайёрлади.
Фотолар муаллифи: Оқилхон Мамажонов
Изоҳ (0)