Ўзбекистон Профессионал Футбол Лигаси матбуот хизмати Суперлига жамоалари янги мавсумда қайси бренд либосларидан фойдаланиши ҳақида маълум қилди.
Унга кўра, Суперлиганинг 5 та жамоаси — “Пахтакор”, “Навбаҳор”, “Нефтчи”, “Сурхон” ва узоқ йиллик танаффусдан кейин чемпионат йўлланмасини қўлга киритган “Хоразм” Adidas бренди остида ишаб чиқариладиган либослардан фойдаланади.
Ўтган мавсум чемпиони “Насаф”, “Қизилқум” ҳамда Суперлигага қайтган “Шўртан” испан бренди ҳисобланган Кеlmе хизматларидан фойдаландиган бўлди.
“ОКМК” ҳамда “Қўқон-1912” Saber, “Андижон” ва “Машъал” ўзи учун Маcrоn либосларини танлади.
Шунингдек, “Динамо” Puma, “Сўғдиёна” Jоmа, “Бунёдкор” Jаkо ва “Бухоро” Nike компаниялари томонидан ишлаб чиқариладиган формалардан фойдаланади.
Тўлиқ рўйхат:
- Adidas — “Пахтакор”, “Навбаҳор”, “Нефтчи”, “Сурхон”, “Хоразм”;
- Кеlmе — “Насаф”, “Қизилқум”, “Шўртан;
- Saber — “ОКМК”, “Қўқон-1912”;
- Маcrоn — “Андижон”, “Машъал”;
- Puma — “Динамо”;
- Jоmа — “Сўғдиёна”;
- Jаkо — “Бунёдкор”;
- Nike — “Бухоро”.
Маълумот учун, футбол бўйича Ўзбекистон Суперлигаси 7 март куни старт олади.
Изоҳ (0)