6 апрель, шанба куни футбол бўйича Ўзбекистон Суперлигасининг 3-тури доирасида навбатдаги 2 та ўйин якунига етди.
Мусобақа жадвалида 4-ўринда бораётган Бекободнинг «Металлург» клуби сафарда «Динамо» меҳмони бўлди.
Беллашувнинг 19-дақиқасида мезбон жамоа аъзоси Ихтиёр Тошпўлатов Амиржон Сафаров узатмасини голга айлантирган бўлса, орадан 9 дақиқа ўтиб Музаффар Музаффаров ҳисобни тенглаштирди (1:1). Ўйиннинг сўнгги дақиқаларида Миркомил Лоқаевнинг киритган голи эвазига самарқандликлар «Металлург»ни мағлубиятга учратди ва муҳим 3 очкога эга бўлди.
Шу куни Наманганнинг «Навбаҳор» клуби ўз майдонида мусобақа жадвалида охирги поғонани эгаллаб турган Тошкентнинг «Бунёдкор» жамоаси билан баҳсга киришди.
Учрашувнинг 3-дақиқасидаёқ тошкентликлар футболчиси Жасур Жалолиддинов ҳисобни очди (1:0). 36-дақиқада эса Хуршид Ғиёсов 11 метрлик жарима зарбасидан мезбон жамоа дарвозасига гол урди (2:0). 63-дақиқага келиб Наманган клуби ўйинчиси Александр Касян пенальтидан унумли фойдаланиб, ҳисобни қисқартирди (2:1). 79-дақиқада Аббос Ғуломов Муроджон Зуҳуров қўриқлаётган дарвозага тўп киритди (2:2). Беллашувнинг 83-дақиқасида эса ҳакам томонидан «Навбаҳор» жарима майдонида пенальти белгилади ва ундан «қалдирғочлар» ярим ҳимоячиси Хуршид Ғиёсов унумли фойдаланиб, дублга эришди (3:2).
Шу тариқа «Бунёдкор» қийин кечган ўйинда «Навбаҳор»ни таслим қилди ва дастлабки 3 очкони қўлга киритди.
Суперлига
3-тур баҳси
6 апрель, шанба
«Динамо»—«Металлург» 2:1
Голлар: 1:0 — 19 Ихтиёр Тошпўлатов, 1:1 — 28 Музаффар Музаффаров, 2:1 — 90 Миркомил Лоқаев«Навбаҳор»—«Бунёдкор» 2:3
Голлар: 0:1 — 3 Жасур Жалолиддинов, 0:2 — 36, пенальти, Хуршид Ғиёсов, 1:2 — 63, пенальти, Александр Касян, 2:2 — 79 Аббос Ғуломов, 2:3 — 83, пенальти, Хуршид ҒиёсовЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)