Футбол бўйича Ўзбекистон Суперлигасининг 24-тури доирасида 24 ноябрь, якшанба куни Вадим Абрамов қўл остидаги Тошкентнинг «Бунёдкор» жамоаси ўз майдонида Наманганнинг «Навбаҳор» клубини қабул қилди.
Учрашувнинг 9-дақиқасида «қалдирғочлар» ярим ҳимоячиси Нурилло Тўхтасинов ҳисобни очган бўлса, 34-дақиқага келиб Наманган клуби аъзоси Азиз Турғунбоев ҳисобни тенглаштирди (1:1). 67-дақиқада эса меҳмон жамоа дарвозаси томон ҳакам томонидан пенальти белгиланди ва ундан тошкентликлар вакили Хуршид Ғиёсов унумли фойдаланди ва жамоасига муҳим 3 очко тақдим этди (2:1).
Ушбу ғалабадан сўнг мусобақа жадвалида «Бунёдкор» очколари сонини 45 тага етказиб олди. «Навбаҳор» эса 31 очко билан 8-ўринда бормоқда.
Суперлига
24-тур баҳси
24 ноябрь, якшанба
«Бунёдкор»—«Навбаҳор» 2:1
Голлар: 1:0 — 9 Нурилло Тўхтасинов, 1:1 — 34 Азиз Турғунбоев, 2:1 — 67, пенальти Хуршид Ғиёсов«Бунёдкор»: Абдумавлон Абдужалилов, Исломжон Қобилов, Анвар Ғофуров, Дилшод Аҳмадалиев, Хуршид Ғиёсов (Санжар Турсунов, 71), Жавоҳир Қаҳрамонов, Лутфулла Тўраев, Санжар Қодирқулов, Нурилло Тўхтасинов, Шоҳрух Гадоев, Санжар Рихсибоев (Жасурбек Жалолиддинов, 49) (Владислав Нуриев, 90+2)
«Навбаҳор»: Ўткир Юсупов, Иван Соловев (Аюбхон Нўмонов, 76), Азизбек Турғунбоев, Александр Касян, Обид Жўрабоев, Мирзоҳид Ғофуров, Игор Голбан, Ғиёсжон Комилов, Аббосжон Ғуломов (Азиз Ибрагимов, 62), Нодир Мавлонов, Амирбек Жўрабоев (Шаҳзод Шайманов, 59)
Огоҳлантиришлар: Александр Касян (9), Ислом Қобилов (14), Нодир Мавлонов (55), Игор Голбан (82), Мирзоҳид Ғофуров (90+1)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)