Футбол бўйича Ўзбекистон Суперлигасининг 6-тур ўйинларига 26 апрель санасидан эътиборан старт берилади.
Турни «Динамо»—«Навбаҳор» учрашуви бошлаб беради. Учрашув Тошкент вақти билан соат 17:30 да бошланади. Эслатиб ўтамиз, самарқандликлар аввалги турда «Пахтакор»га ютқазган бўлса (0:2), Наманган клуби «Сурхон» дарвозасига жавобсиз 3 та гол киритганди (3:0).
Турнинг марказий ўйинларидан бирида Рўзиқул Бердиев қўл остидаги «Насаф» жамоаси ўз майдонида Миржалол Қосимов бошлиқ ОКМК билан жанг қилади. Беллашув соат 19:35 да бошланиши белгиланган. Таъкидлаш жоиз, қаршиликлар 5-турда «Андижон»га имкониятни бой бериб қўйганди (1:3). Олмалиқ клуби эса «Бунёдкор»га кичик ҳисобда мағлуб бўлганди (0:1).
Шу куни Вадим Абрамов бошқарувидаги Тошкентнинг «Бунёдкор» клуби «Бухоро» майдонига сафар қилади. Баҳсга соат 19:35 да старт берилади. Маълумот учун, «қалдирғочлар» сўнгги 5 турда жами 9 очко жамғариб, мусобақа жадвалида 3-ўринда бормоқда. Бухороликлар ҳисобида эса 5 очко мавжуд ва жамоа мусобақа жадвалида 10-поғонадан жой эгаллаган.
5-турдан сўнг мусобақа жадвалидаги ҳолат:
Суперлига
6-тур баҳслари
26-апре, жума
«Динамо»—«Навбаҳор» 17:30
«Насаф»—ОКМК 19:35
«Бухоро»—«Бунёдкор» 19:35
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)