Ўзбекистон Суперлигаси 9-тури доирасидаги “Навбаҳор” — “Хоразм” баҳси якунига етди. Қизиқарли ва кескин курашлар остида кечган учрашувда наманганликлар минимал ҳисобда ғалаба қозонди.
Учрашувнинг дастлабки бўлимида ҳисоб очилмади, лекин иккинчи таймда “Навбаҳор” “Хоразм” дарвозасини ишғол қилди. 50-дақиқада Забиҳилло Ўринбоев пенальтидан гол киритиб, жамоасини ҳисобда олдинга олиб чиқди.
Мазкур ҳисоб учрашув охиригача ўзгармади ва Сергей Лушчан жамоаси ҳисобига 3 очко ёздириб қўйди. Қўлга киритилган ғалабадан кейин “Навбаҳор” ҳисобидаги очколар сони 14 тага етди ва турнир жадвалида 6-ўринга чиқиб олди. “Хоразм” эса 8 очко билан 13-поғонани банд этган.
Ўзбекистон Суперлигаси
9-тур
11 май, якшанба
“Навбаҳор” — “Хоразм” 1:0
Гол: 1:0 — Ўринбоев (50, пенальти)
Изоҳ (0)