O‘zbekiston Superligasining 10-tur bahsida Namanganning “Navbahor” jamoasi safarda Toshkentning “Bunyodkor” klubi mehmoni bo‘ldi.
Uchrashuv jadal va keskin kurashlarga boy tarzda boshlandi. 10-daqiqada “Bunyodkor”ning gruziyalik legioneri Imeda Ashortia penaltidan hisobni ochdi. Biroz o‘tmay, 19-daqiqada “Navbahor” javob qaytardi — Ruslanbek Jiyanov penaltini aniq amalga oshirib, hisobni tenglashtirdi.
Ikkinchi bo‘limda “Navbahor” ustunlikni qo‘lga kiritdi. 65-daqiqada yana Ruslanbek Jiyanov bosh zarbasi orqali jamoasini oldinga olib chiqdi. 72-daqiqada esa zaxiradan tushgan Shohmalik Komilov hisobni 3:1ga yetkazdi.
O‘yinning so‘nggi daqiqalarida “Bunyodkor” bosimni oshirdi va 90+10-daqiqada Luis Kachorri hisobni qisqartirdi, ammo bu gol mezbonlarni mag‘lubiyatdan qutqara olmadi.
Shu tariqa “Navbahor” safarda muhim 3 ochkoni qo‘lga kiritib, turnir jadvalida 4-o‘ringa ko‘tarilib oldi.
“Daryo” “Bunyodkor” va “Navbahor” o‘rtasidagi o‘yindan fotogalereya tayyorladi.
Fotolar muallifi: Oqilxon Mamajonov
Izoh (0)