АҚШ президенти Дональд Трамп 15 май куни Истанбулда бўлиб ўтадиган музокараларга россиялик ҳамкасби Владимир Путин келмагани сабабини айтди. Бу ҳақда у Қатардаги ташрифи давомида журналистларга маълум қилди.
-kAXht0mw.avif)
Трампнинг сўзларига кўра, у Истанбулга бормагани учун Россия президенти ҳам ташриф буюрмаган.
Агар мен бормасам, нега у келиши керак? Чунки мен бормоқчи эмасдим. Мен борардим, лекин боришни режалаштирмадим, деди у.
АҚШ президенти зарурат туғилса, 16 май куни музокаралар учун Истанбулга боришини қўшимча қилган. Зеленский эса музокараларга келган Россия делегацияси қарор қабул қилиш ваколатига эга эмаслигини айтган.
Россияда ким қарор қабул қилишини ҳаммамиз биламиз, деган Украина президенти.
Путин 15 май куни Истанбулда можаро томонлари иштирокида тўғридан тўғри музокаралар ўтказишни таклиф қилганди. Шундан сўнг АҚШ президенти Дональд Трамп украиналик ҳамкасбини мазкур музокарага рози бўлишга чақирганди.
Бунга жавобан Украина президенти музокараларда шахсан Владимир Путинни кутишини қайд этган. Кремль музокараларда қатнашадиган Россия делегацияси таркибини 14 майгача ошкор қилмаган. Кремлнинг собиқ юқори мартабали амалдори музокараларда Россия номидан Ташқи ишлар вазири Сергей Лавров ва Россия президенти ёрдамчиси Юрий Ушаков иштирок этишини айтганди.
Изоҳ (0)