Америка Қўшма Штатлари маъмурияти 12 май куни Олий суддан Техасда ҳибсга олинган 200 га яқин венесуэлалик муҳожирларни депортация қилишни давом эттиришга рухсат сўради. Бу ҳақда CNN хабар берди.
2025 йил апрель ойида “Чет эллик душманлар тўғрисида”ги қонунга мувофиқ бу муҳожирлар депортацияси вақтинча тўхтатиб турилган эди.
АҚШ хорижий террорчилик ташкилоти деб топган Венесуэланинг “Трен де Арагуа” (ТдА) кўча тўдасига алоқадорликда айбланиб ҳибсга олинган 176 нафар муҳожирнинг баъзилари узоқ вақт ҳибсда сақлаш учун ўта хавфли, деди Қўшма Штатлар генерал-солиционери Жон Зауэр.
Мурожаатда маълум қилинишича, ҳибсга олинган муҳожирларнинг 23 нафари бир неча соат давомида турар жой биносига кириб олиб, одамларни гаровга олиш ва иммиграция ва божхона назорати ходимларига зарар етказиш билан таҳдид қилган.
Ҳодиса Техаснинг Ансон шаҳридаги Blueбоннет ҳибсхонасида содир бўлган. Маҳбуслар SOS хабари юборгани айтилмоқда. Баррикадага алоқадор деб тахмин қилинаётганлар Техасдаги бошқа муассасага кўчирилган.
Бундай маҳбусларни бошқа муассасаларга ўтказиш Қўшма Штатлар ҳудудида ТдА тўдалари фаолиятининг кенгайишига сабаб бўлади. Гуруҳни зудлик билан мамлакатдан чиқариб юбориш керак, деб ёзган Зауер.
2025 йил март ойида АҚШ ҳукумати Венесуэланинг “Трен де Арагуа” деб номланувчи жиноий гуруҳига мансуб 238 нафар муҳожирни Салвадорга депортация қилганди. Улар у ердаги машҳур мегақамоқхонага жойлаштирилган.
Мегақамоқхона ўзининг шароитлари билан халқаро миқёсда машҳур. Маҳбуслар қамоқда ўтирган ҳолда ишлашга мажбур. Улар ҳаддан ташқари гавжум камераларда яшайди, рақиб тўда аъзолари озиқ-овқат ва сув учун ўлимгача курашади.
Изоҳ (0)