AQSH prezidenti Donald Tramp 15-may kuni Istanbulda bo‘lib o‘tadigan muzokaralarga rossiyalik hamkasbi Vladimir Putin kelmagani sababini aytdi. Bu haqda u Qatardagi tashrifi davomida jurnalistlarga ma’lum qildi.
-kAXht0mw.avif)
Trampning so‘zlariga ko‘ra, u Istanbulga bormagani uchun Rossiya prezidenti ham tashrif buyurmagan.
Agar men bormasam, nega u kelishi kerak? Chunki men bormoqchi emasdim. Men borardim, lekin borishni rejalashtirmadim, dedi u.
AQSH prezidenti zarurat tug‘ilsa, 16-may kuni muzokaralar uchun Istanbulga borishini qo‘shimcha qilgan. Zelenskiy esa muzokaralarga kelgan Rossiya delegatsiyasi qaror qabul qilish vakolatiga ega emasligini aytgan.
Rossiyada kim qaror qabul qilishini hammamiz bilamiz, degan Ukraina prezidenti.
Putin 15-may kuni Istanbulda mojaro tomonlari ishtirokida to‘g‘ridan to‘g‘ri muzokaralar o‘tkazishni taklif qilgandi. Shundan so‘ng AQSH prezidenti Donald Tramp ukrainalik hamkasbini mazkur muzokaraga rozi bo‘lishga chaqirgandi.
Bunga javoban Ukraina prezidenti muzokaralarda shaxsan Vladimir Putinni kutishini qayd etgan. Kreml muzokaralarda qatnashadigan Rossiya delegatsiyasi tarkibini 14-maygacha oshkor qilmagan. Kremlning sobiq yuqori martabali amaldori muzokaralarda Rossiya nomidan Tashqi ishlar vaziri Sergey Lavrov va Rossiya prezidenti yordamchisi Yuriy Ushakov ishtirok etishini aytgandi.
Izoh (0)