“Манчестер Юнайтед” дарвозабони Давид де Хеа клубни тарк этди. Бу ҳақида манкунианликлар расмий сайти маълум қилди.
Испаниялик кипер “қизил иблислар” шарафини 12 йил давомида ҳимоя қилиб келди. Дарвозабон 2011 йилда “Атлетико”дан “Манчестер Юнайтед”га ўтган эди.
Давид Манчестер клуби сафида 545 та ўйин ўтказиб, шундан 190 тасида дарвозаси дахлсизлигини сақлай олган. Бу “Манчестер” дарвозабонлари ичида рекорд натижа ҳисобланади.
32 ёшли испан клуб билан биргаликда 5 та соврин қўлга киритган: АПЛ, Европа Лигаси, Англия Кубоги ва Англия Лига Кубоги (2 марта).
Изоҳ (0)