“Манчестер Юнайтед” АПЛ 36-тури доирасида “Олд Траффорд”да “Вест Хем” клубига 0:2 ҳисобида мағлуб бўлди. Бу “қизил иблислар”нинг жорий мавсумдаги 17-мағлубияти бўлди.
Статистик маълумотларга кўра, бу орқали клуб 51 йиллик антирекордини такрорлади. Яъни манкунианликлар ярим асрдан кўпроқ вақт ичида илк бор Англия Премьер Лигасининг бир мавсумида 17 та мағлубият қайд этди. Сўнгги март бундай кўрсаткич 1973/74 йилларда кузатилган эди.
Шунингдек, “Юнайтед” кетма-кет 7 учрашувда ғалаба қозона олмаган ҳолда, 21-асрдаги яна бир нохуш кўрсаткичга эришди. Бундай натижа сўнгги бор 1992 йилда қайд этилган эди.
Ҳозирда “Манчестер Юнайтед” 36 ўйиндан сўнг 39 очко жамғарган ва турнир жадвалида 16-ўринда бормоқда. Бу эса клуб тарихидаги энг муваффақиятсиз мавсумлардан бири бўлиши мумкинлиги айтилмоқда.
Изоҳ (0)