Футбол бўйича Европа Лигаси гуруҳ босқичи якунланишига бир тур қолганида, мусобақадан муддатидан аввал чиқиб кетган етти жамоа маълум бўлди. Ушбу жамоалар топ-24 га кириш имкониятини бой бериб, плей-офф йўлланмаси учун курашни давом эттира олмайди.
Европа Лигаси кейинги босқичига чиқиш имкониятини йўқотган жамоалар: “РФШ”, “Славия”, “Малмё”, “Лудогорец”, “Қорабоғ”, “Ницца” ва “Динамо Киев”.
Турнир жадвалида “Лацио” етакчилик қилмоқда, кейинги ўринларда “Айнтрахт” ва “Атлетик” жой олган.
Шунингдек, гуруҳ босқичи якунланишига бир тур қолганида, плей-офф босқичига чиқишни кафолатлаган 15 та жамоа номи ҳам маълум бўлди: “Лацио”, “Айнтрахт” (Франкфурт), “Атлетик”, “Манчестер Юнайтед”, “Лион”, “Тоттенхем”, “Андерлехт”, “Стяуа”, “Галатасарой”, “Буде/Глимт”, “Виктория”, “Олимпиакос”, “Рейнжерс”, “АЗ Алкмар” ва “Юнион”.
Плей-оффдаги қолган тўққиз йўлланма учун 14 жамоа кураш олиб боради.
Европа Лигаси гуруҳ босқичининг сўнгги ўйинлари 30 январь куни бўлиб ўтади. Мусобақанинг амалдаги чемпиони “Аталанта” финалда “Байер”ни 3:0 ҳисобида мағлуб этишганди.
Изоҳ (0)