“Ан-Насср” клуби ва Португалия терма жамоаси ҳужумчиси Криштиану Роналду Европа клубларида ҳаракат қилмаслигини маълум қилди.
Европа футболига қайтмайман, эшик батамом ёпилган.
38 ёшдаман, бундан ташқари Европа футболи сезиларли даражада қулади. Ягона муносиб лига — АПЛ. У қолганларни анча ортда қолдириб кетди, — дейди Роналду.
Шунингдек, португалиялик форвард Саудия Арабистони лигасини Лионель Месси ҳаракат қиладиган MLS билан солиштирди.
Саудия Арабистони MLS’дан яхшироқ. Мен бу лига учун йўлни очиб бердим, энди барча ўйинчилар шу ерга келмоқда. Саудия лигаси бир йилдан кейин Туркия ва Нидерландия чемпионатларини ортда қолдиради, — деди Роналду.
Криштиану 2022/23 йилги мавсумнинг ярмини “Манчестер Юнайтед”да ўтказди. ЖЧ—2022 олдидан футболчи ОАВга шов-шувли интервью берди ва унда клубни кескин танқид остига олди. Шундан кейин “Манчестер Юнайтед” футболчи билан шартномани бекор қилди.
Роналду фаолияти давомида “Спортинг”, “Реал” ва “Ювентус” клубларида ҳам тўп сурган.
Изоҳ (0)