Испаниянинг “Бетис” клуби ўзининг Instagram саҳифасида “Реал” футболчиси Винисиус Жуниор ва қишда ижара асосида “Манчестер Юнайтед”дан жамоага қўшилган Антони ҳақида пост жойлади.
Ушбу суратда ҳар икки футболчининг 2025 йилдаги статистикаси тақдим этилган ҳамда изоҳига қуйдагича ёзиб қўйилган:
2025 йил бошидан бери, яъни барча даврларнинг энг зўр футболчиси Антони (G.О.А.Т, Great off all time) “Бетис” сафига келгандан сўнг икки футболчи қуйидагича натижа қайд этди. Бизда “Олтин тўп” учун битта даъвогар бор — Антони, дея изоҳ қолдирилган.
Маълумот учун, Антони қишки трансфер ойнаси вақтида Англиянинг “Манчестер Юнайтед” клубидан “Бетис”га ижарага ўтди. Унинг севиляликлар билан шарномаси июнь ойида якунига етади. Футболчи клуб сафида 20 учрашувда майдонга тушиб, ўз ҳисобига 7 гол ҳамда 4 голли узатма ёздириб қўйган. Transfermarkt портали Антонининг қийматини 20 миллион евро этиб белгилаган.
Винисиус 2018 йилда “Реал” сафига қўшилган бўлиб, жорий мавсум клуб сафида 49 учрашувда майдонга тушиб, 20 гол ҳамда 14 ассит муаллифига айланган. Transfermarkt портали Винининг нархини 200 миллион еврога баҳолаган.
Изоҳ (0)