Саудия Арабистонининг энг кучли клубларидан бири — “Ал-Ҳилол” ҳали ҳам “Манчестер Юнайтед” сардори Бруну Фернандешни ўз сафига қўшиб олиш фикридан қайтмаган. Бу ҳақда “УтдDistrict” нашрига таяниб “Euro-фоотбалл” хабар бермоқда.
Аввалроқ клуб португалиялик ярим ҳимоячига фойдали шартнома таклиф қилгани ҳақида хабар берилганди. Бироқ Фернандеш бу трансферга қизиқмаётгани айтилган.
Шунга қарамай, “УтдDistrict” нашрининг Саудия Арабистонидаги манбаларига таяниб ёзишича, “Ал-Ҳилол” раҳбарияти Брунунинг агентлари билан яна бир учрашув ўтказишни режалаштирмоқда. Унда молиявий шартлар, турар жой ва бошқа тафсилотлар иккинчи марта муҳокама қилинади. Агар шартлар футболчини тўлиқ қаноатлантирса, португалиялик ярим ҳимоячини Саудия Про Лигасида кўришимиз мумкин бўлади.
Аввалроқ, футболчига Мадриднинг “Реал” клуби ҳам қизиқиш билдиргани ҳақида хабарлар тарқалган эди.
Маълумот учун, Бруну Фернандешнинг “Манчестер Юнайтед” билан амалдаги шартномаси 2027 йил ёзигача мўлжалланган. У жорий мавсум манкунианликар сафида 51 учрашувда майдонга тушиб, 19 та гол ҳамда 18 та ассит муаллифига айланган. Transfermarkt портали Фернандешнинг қийматини 55 миллион еврога баҳолаган.
Изоҳ (0)