Одатда анимацион фильмлар ғаройиб саргузаштларга бойлиги билан машҳур. Бироқ бундай фильмлар доим ҳам эртак бўлавермайди — энг таъсирчан ва юракни ларзага солувчи анимацион фильмларнинг айримлари ҳақиқий воқеаларга асосланган.
“Шарлотта”
“Шарлотта” — немис рассоми Шарлотта Саломоннинг ҳаёти ҳақидаги анимацион биографик драма фильми бўлиб, унинг “Ҳаёт? Ёки театр?” номли автобиографик расмлар туркумидан илҳомланилган. Фильм воқеалари натсизм ҳокимиятга келаётган даврда кечади ва Шарлоттанинг тобора кучайиб бораётган таъқибларга қарамай, ўз ижодий йўлини давом эттиргани ҳақида ҳикоя қилади.
Фожиали воқеаларга тўла фильм Шарлоттанинг ҳаёти, матонат ва хурофотнинг даҳшатли оқибатлари ҳақидаги таъсирчан қиссадир.
“Да Винчининг сеҳрли саргузаштлари”
Леонардо да Винчининг ажойиб ҳаёти ва унинг кашфиётларига асосланган “Да Винчининг сеҳрли саргузашти” мультфильми визуал жиҳатдан қизиқарли ҳикояга айланган.
Гарчи сюжет бир оз чалкаш туюлса-да, бу Леонардо да Винчининг ўз ижодини мукаммал акс эттирувчи фильмнинг ажойиб анимацион услуби билан ўзига жалб қилади.
“Этел ва Эрнест”
“Этел ва Эрнест” — қўлда чизилган ажойиб анимация бўлиб, у 1920 йилларда танишган британиялик эр-хотиннинг 1970 йиллардаги вафотигача бўлган ҳаётини тасвирлайди.
“Этел ва Эрнест” ҳикояси нафақат қаҳрамонлар характерининг таъсирчан таҳлили, балки Британия ҳаётининг энг нотинч даврларидан бирини қамраб олган тарихий драмадир. 67 680 та қўлда чизилган алоҳида кадрлар ёрдамида меҳр билан яратилган бу ажойиб санъат асарида илиқлик, нафислик ва сокинлик сезилиб туради.
“Покахонтас”
-YR8UMR46.avif)
Диснейънинг севимли “Покахонтас” мультфильмида Янги Дунёни мустамлака қилиш учун қўшини билан келган инглиз мустамлакачиси Жон Смитга ошиқ бўлиб қолган маҳаллий америкалик қиз ҳақида ҳикоя қилинади. Маҳаллий аҳоли ва мустамлакачилар ўртасидаги муносабатлар кескинлашганда Смит ва Покахонтас тинчликни сақлаш учун биргаликда ҳаракат қилишга мажбур бўлади.
Гарчи Покахонтас исмли ёш маҳаллий қизнинг Жон Смит номли инглиз мустамлакачиси билан учрашгани ҳақида маълумотлар мавжуд бўлса-да, уларнинг муносабатлари Диснейънинг машҳур фильми тасвирлаганидек бўлмаганини кўрсатувчи далиллар ҳам бор. Кўпчилик Покахонтаснинг ўша пайтда атиги 11 ёшда бўлганини таъкидлайди, тарихий манбалар эса унинг ўғирлаб кетилгани ва насронийликни қабул қилишга мажбур этилганини кўрсатади.
“Шамол кучаймоқда”
2009 йилдаги шу номдаги мангага асосланган “Шамол кучаймоқда” фильми япон муҳандис-авиаконструктори Дзиро Хорикосининг ҳаёти ҳақидаги тарихий драмадир. 1923 йилда Токио университетида ўқишни бошлаганидан то машҳур Mitsubishi Kа-14 ҳарбий самолётининг биринчи синов парвозигача бўлган воқеаларни қамраб олган.
“Балто”
Кевин Бейкон, Брижет Фонда, Фил Коллинз ва Боб Ҳоскинс овоз берган Стивен Спилбергнинг Amblimation анимацион студияси томонидан яратилган “Балто” мультфильми Балто лақабли хаскининг саргузашти ҳақида. Унда унинг касал болаларга дори-дармон етказиш учун хавфли об-ҳаво шароитларида чана қўшилган итларни бошқариб ўтган хатарли йўли тасвирланади.
Аслида Балто 1925 йилда Номга юришнинг сўнгги босқичида Гуннар Каасен бошчилигидаги итлар қўшинини бошқарган хаскининг номи. Унинг саъй-ҳаракатлари туфайли Аляскадаги узоқ Ном шаҳрига дифтерия тарқалишига қарши дори етказилиб, кўплаб болалар ҳаёти сақлаб қолинган.
“Персеполис”
“Персеполис” — Маржан Сатрапининг шу номдаги автобиографик график романига асосланган тўлиқ метражли анимацион фильм. Сатрапи Венсан Пароно билан ҳамкорликда фильмга ҳаммуаллифлик ва режиссёрлик қилган. Фильм Эрон инқилоби даврида улғайган ёш қизнинг ҳаётига чуқур шахсий ва холис нигоҳ ташлайди.
Оқ-қора рангларда суратга олинган “Персеполис” кўплаб таҳсин ва эътирофларга сазовор бўлди.
Изоҳ (0)