Баъзи мультфильмлар шунчалик чуқур мазмун ва кўламга эгаки, улар кўплаб бадиий фильмларни ортда қолдиради. Анъанавий кино ёки сериаллардан фарқли ўлароқ, анимация жанри ҳикоялар яратишда чексиз имкониятларни тақдим этади. Ёрқин ранглар, турли кўринишдаги қаҳрамонлар ва хаёлий олам каби тасвирлар томошабинга мультфильмга янада чуқурроқ кириб боришига ёрдам беради. Бундай мультфильмлар уйғотадиган чуқур ҳиссий кечинмалар классик кинодан қолишмайди ва ҳатто улардан ўзиб кетади.
Шунинг учун “Оскар” мукофоти анимация жанрида ҳам берилади ва томошабин учун деярли таниш бўлмаган баъзи лойиҳалар юксак эътироф этилади. Масалан, жорий йилги маросимда “Оқим” мультфильми “Бошқотирма” ни ортда қолдириб, “Оскар”га сазовор бўлди. Қуйида кутилмаганда нуфузли мукофот совриндори бўлган 6 та анимацион лойиҳаларни тўпладик.
“Шрек” (8,2)
Мультфильм 2002 йилдаги 74-Оскар мукофотлари маросимида “Энг яхши анимацион фильм” номинациясида ғолиб бўлди. Бу номинация айнан ўша йили илк бор таъсис этилган ва “Шрек” тарихда биринчи бўлиб ушбу мукофотни қўлга киритган. Мультфильм “Махлуқлар корпорацияси” ва “Жимми Нейтрон: даҳо бола” каби лойиҳалар билан рақобатлашган.
“Руҳлар олами” (8,5)
“Руҳлар олами” ота-онасини афсундан озод қилиш ва уларни инсонлар дунёсига қайтариш учун руҳлар оламига кириб қолган ёш қиз ҳақидаги фантастик анимедир. У “Лило ва Стич” ҳамда “Музлик даври” мультфильмлари билан “Оскар” учун беллашган.
“Уоллес ва Громит: ёввойи қуён ланъати” (7,2)
Бу 2005 йилда чиқарилган Британия анимацион фильми бўлиб, Аардман Animations ва DreamWorks Animation студиялари томонидан тайёрланган. Фильмдаги воқеалар Уоллес ва унинг содиқ ити Громит атрофида бўлиб ўтади. Улар сабзавот етиштирувчиларни қуёнлардан ҳимоя қилиш билан шуғулланади, аммо тасодифан сирли қуён махлуққа айланади ва шаҳарчада тартибсизлик келтириб чиқаради.
“Қувноқ оёқчалар” (6,7)
Барча ғолиблар орасида энг паст томошабин рейтингига эга “Оскар” мукофотига сазовор бўлган мультфильм ўз даврида “Чақмоқ Маквин” ва “Маҳлуқ уй” билан рақобатлашган.
“Ранго” (7,2)
2011 йилда Гор Вербински ва Жонни Депп ўртасидаги ҳамкорликда яратилган анимацион фильм. Сюжетга кўра, Ранго — дўкондаги хамелеон бўлади. У бир куни чўл ўртасидаги катта йўлда машинадаги юкхонадан тушиб кетади. Шундан сўнг у ўз ҳаётини сақлаб қолиши учун ҳаракат қилади. У йўлда Ранго Гряз шаҳрини учратади ва кўплаб саргузаштларга дуч келади.
“Ўргимчак одам: ёндош оламлар” (8,2)
“Супер оила” ва “Итлар ороли” каби лойиҳалар билан “Оскар” учун беллашган мулфтилм 2019 йилда Marvel комикслари асосида яратилган бўлиб, Sony Pictures Animation томонидан ишлаб чиқарилган. Мулфтилмнинг ўзига хослиги шундаки, у 3D анимация ва қўлда чизилган комикс дизайнини уйғунлаштирган.
Изоҳ (0)