Дубайда ўтказилган эксклюзив тадбирда Bentley Batur Convertible кабриолетининг жаҳон премераси бўлиб ўтди.
Автомобиль янги кириш тизими, такомиллаштирилган турбинлар ва интеркулерлар билан жиҳозланган янгиланган 6,0 литрли W12 двигатель ҳамда 750 от кучига эга. Компаниянинг таъкидлашича, бу W12 двигателининг энг кучли версияси ва автомобиль соатига 330 километрдан юқори тезликка эришишга қодир. Модель W12 двигателли охирги модел бўлади — у замонавий экологик стандартларга мос келмаслиги сабабли оммавий ишлаб чиқаришдан олиб ташланди.
Batur Convertible ички қисми қимматбаҳо тери билан қопланган, марказий панел эса Mulliner томонидан безатилган бўлиб, W12 га бағишланган овозли имзо гравюраси билан безатилган.
16 та Batur Convertible’нинг ҳар бири Англиянинг Кру шаҳридаги Bentley заводидаги Mulliner устахоналарида бир неча ой давомида, қўлда буюртма асосида йиғилади.
Танлов учун Mulliner’нинг тўлиқ ранг палитраси, тўлиқ буюртма асосида тайёрланган бўёқлар ва ҳатто қўлда бўялган элементлар мавжуд. Бундан ташқари, ҳайдовчининг асосий тегиниш нуқталарида, хусусан, ҳаракат режимини ўзгартириш тугмаси, ишга тушириш/тўхтатиш тугмаси, рул ва асбоблар панелидаги шамоллатиш бошқарув элементларида олтиндан 3D босиб чиқарилган салон қисмларининг эксклюзив варианти мавжуд.
Ҳар бир Batur Convertible нинг нархи тахминан 2,5 миллион долларга баҳоланади ва атиги 16 дона ишлаб чиқарилади.
Изоҳ (0)