Автомобиль саноати йиллар давомида ҳайратланарли ихтироларга бойиб бормоқда. Ноодатий автомобилларни ишлаб чиқариш учун эса нафақат замонавий технология, балки чуқур муҳандислик ва дизайнерлик тасаввури ҳам керак бўлади. Ушбу мақолада машиналар ҳақидаги тасаввурингизни ўзгартириб юборадиган энг ғайриоддий 10 та автомобиллар ҳақида маълумот берамиз.
Amber электрокари
МАМИ ва Автотор компаниялари ҳамкорлигида ишлаб чиқилган мазкур электромобилнинг прототипи 2023 йил декабрь ойида тақдим этилган бўлиб, дизайни ва техник хусусиятлари турли мунозараларга сабаб бўлган. Ижтимоий тармоқ фойдаланувчилари автомобилни жиддий қабул қила олмади ва ҳазиллар мемлар қаҳрамонига айланди.
Nissan Hyper Force
Nissan Hyper Force — бу Ниссан компаниясининг келажакдаги энг илғор электр суперкари бўлиб, 2023 йил Японияда бўлиб ўтган автомобиль кўргазмасида тақдим этилган. У 1 000 кВт (тахминан 1 341 от кучи) қувватга эга ва барча ғилдираклардан тортиш тизими ва углерод толалардан ишланган енгил кузов билан жиҳозланган. Hyper Force икки хил режимда бошқарилади:
“Р” (Racing) — пойга режими: бунда ички ёритиш тизими қизил рангга ўзгаради, ҳайдаш панели минималистик дизайнга ўтади ва пойга учун оптимал созламалар ишлай бошлайди;
“ГТ” (Grand Touring) — узоқ сафар режими: Барча чироқлар кўк рангга киради, автомобиль қулайроқ бошқарув ва узоқ масофали саёҳатлар учун мослаштирилади.
Nissan Hyper Punk
Nissan Hyper Punk — бу Nissan компаниясининг 2023 йилда Японияда бўлиб ўтган Mobility Show кўргазмасида тақдим этилган электр кроссовер бўлиб, инновацияларни қадрловчилар учун мўлжалланган. Автомобиль сунъий интеллект ва бош суянчиқларига ўрнатилган биосенсорлар орқали ҳайдовчининг кайфиятини аниқлайди ва унга мос мусиқа ва ёритиш тизимини танлайди, бу эса ҳайдовчининг энергияси ва ижодкорлигини оширади. Доимий интернет уланиши ва фойдаланувчиларнинг қурилмалари билан интеграцияси туфайли, Hyper Punk мобил ижодий студия сифатида хизмат қилиши мумкин.
Tesla Cybertruck
Tesla Cybertruck футуристик электр пикапи 2019 йилда тақдим этилган ва 2023 йил ноябрь ойида ишлаб чиқарила бошлаган. Унинг ўзига хос дизайни зангламайдиган пўлатдан ясалган текис панеллардан иборат бўлиб, унинг энг кучли версияси “Cyberbeast” барча ғилдираклардан тортиш тизимли уч моторга эга.
Cybertruck замонавий 816 V литий-ион батареяси билан жиҳозланган бўлиб, 240 V да 11,5 кВт қувват билан зарядлаш ёки 800 V да 350 кВтгача тезкор зарядлаш имкониятига эга.
Volkswagen Type 2 асосидаги ғилдиракли уй
Икки микроавтобусни бирлаштириш ғоясига нима дейсиз? Volkswagen Тйпе 2 базасидаги ғилдиракли уй саёҳат ва яшаш учун мўлжалланган транспорт воситасидир. Бу турдаги автомобиллар айниқса 1950–1980 йилларда машҳурлик касб этган ва ҳозиргача классик cампер фургонлар сифатида қадрланади.
XEV Yoyo
ХEV Yoyo бу Хитойда ишлаб чиқарилган бўлиб, асосан тирбанд шаҳар кўчалари бўйлаб ҳаракатланиш учун мўлжалланган кичик электр автомобили. У 2021 йилдан бошлаб сотувда ва унинг барча қисмлари 3D принтерда чоп этилган. Салонга икки кишидан ортиқ одам сиғмайди.
Tango T600
Tango T600 АҚШнинг Commuter Cars компанияси томонидан ишлаб чиқарилган ноёб электромобиль бўлиб, ўзининг тор ва баланд дизайни билан ажралиб туради.
Tango T600 нинг эни атиги 99 сантиметрни ташкил этади, бу эса уни дунёдаги энг тор автомобиллардан бирига айлантиради. У 600 кВт (тахминан 800 от кучи) қувватга эга бўлиб, 0 дан 100 км/соат тезликка атиги 4 сонияда эришади. Унинг максимал тезлиги 240 км/соатни ташкил этади. Йигирмата нусхада ишлаб чиқарилган Танго Т600 нинг бири актёр Жорж Клунига тегишли.
Rolls-Royce boat tail
Rolls-Royce Boat Tail миллионерлар учун яратилган ҳақиқий санъат асари. У дунёдаги энг қиммат автомобиллардан бири ҳисобланиб, фақат 3 дона нусхада ишлаб чиқарилган. Ҳар бир нусхаси мижознинг шахсий хоҳишларига мос равишда қўлда ўзгартирилган Rolls-Royce Boat Tail нархи 28 миллион доллар атрофида баҳоланади.
Баҳайбат Hummer
Hummer — бу ўзининг катта ўлчами, мустаҳкамлиги ва юқори қуввати билан машҳур бўлган автомобиль бренди. Аммо сиз икки қават уй баландлигидаги Hummerъни кўрганмисиз? Ушбу автомобилнинг эгаси Бирлашган Араб Амирликларидаги шайх Ҳамад бин Ҳамдан Ал Наҳаёндир.
Изоҳ (0)