Ўзбекистон Давлат активларини бошқариш агентлиги хусусийлаштириш дастури доирасида автомобиль саноатига оид учта йирик корхонадаги давлат улушларини очиқ савдога чиқараётганини эълон қилди.
Узсунгwоо МЧЖ устав капиталидаги 50 фоиз, Авто Cлимате Control МЧЖ устав капиталидаги 100 фоиз ҳамда Уз труcк анд Бус Моторс МЧЖ устав капиталидаги 34,2 фоиз давлат улушлари таклиф қилинмоқда.
Узсунгwоо
2011 йилда ташкил этилган бўлиб, автомобиль саноати учун штамплаш ва пайвандлаш технологиялари асосида металл қисмлар ишлаб чиқарувчи етакчи корхоналардан бири ҳисобланади. Завод йиллик 120 минг тўплам ишлаб чиқариш қувватига эга бўлиб, Chevrolet Cobalt, Gentra, Tracker ва Onix моделлари учун эҳтиёт қисмлар етказиб беради. Корхона устав фонди 14 миллион долларни ташкил этади.
Авто Cлимате Control
2010 йилда “Ўзавтосаноат” АЖ ва Жанубий Кореянинг Erae Cс Limited компаниялари билан ҳамкорликда ташкил этилган бўлиб, асосий фаолияти автомобиллар учун иситиш ва совитиш тизимларини ишлаб чиқаришдан иборат. Устав фонди 12,6 миллиард сўмни ташкил этади.
Уз труcк анд Бус Моторс
2009 йилда ташкил этилган бўлиб, Марказий Осиё минтақасида MAN ва Ҳоwо юк машиналари ва йўловчи техникасини ишлаб чиқарувчи йирик корхона ҳисобланади. Завод 60 дан ортиқ турдаги транспорт воситаларини ишлаб чиқариш имкониятига эга бўлиб, ушбу тоифадаги техника орасида тягачлар, автосамосваллар, фургонлар, махсус техникалар, юк кўтариш қуввати 5 тоннадан 70 тоннагача бўлган юк машиналари ҳамда шаҳар ва шаҳарлараро автобуслар мавжуд. Унинг устав фонди 32,8 миллион еврога тенг.
Савдо жараёни ҳар бир актив бўйича алоҳида-алоҳида икки босқичда амалга оширилади. Биринчи босқичда инвесторлар ўз қизиқишларини билдирган ҳолда тегишли ҳужжатларни тақдим этишлари лозим. Иккинчи босқичда эса мажбуриятга эга бўлган таклифлар қабул қилинади ва энг юқори нарх таклиф қилган талабгор билан битим имзоланади. Инвесторларнинг молиявий ресурсларининг етарлилиги, санкциялар рўйхатида йўқлиги ҳамда шаффоф келиб чиқиш мезонларига мос келиши муҳим талаблардан бири ҳисобланади.
Талабгорлар қизиқиш билдириш тўғрисидаги аризаларини 2025 йил 15 апрель соат 23:59 гача тақдим этишлари зарур.
Изоҳ (0)