Фильм ва сериаллар туфайли бутун дунёга машҳур бўлган автомобиллар (фото)

Машҳур фильмлар ва сериаллардаги энг харизматик автомобилларни эслаймиз — уларнинг барчаси айнан фильмлар экранларга чиққандан кейин рамзий аҳамият касб этди.

“Келажакка қайтиб” — DeLorean DМC-12

“Кинодаги энг зўр машина” деганда хаёлга келадиган биринчи нарса DeLorean DМC-12 бўлса керак. Автомобиль Док томонидан “Келажакка қайтиб” фильмида вақт бўйлаб саёҳат қилиш учун қайта жиҳозланган.

“Гарри Поттер ва махфий ҳужра” — Ford Anglia 105E Deluxe

Учар Ford бош қаҳрамонларни бир неча бор мушкул аҳволдан қутқариб қолган: унда Гарри Дурсллар хонадонидан қочишга муваффақ бўлган, унинг ёрдамида Рон иккаласи Хогварцга етиб борган, 9/34 платформасига кириш йўли тўсатдан ёпилиб қолган ва айнан у болаларни Тақиқланган ўрмондаги ўргимчаклар галасидан қутқариб қолган. Учиш қобилиятидан ташқари, автомобиль кўринмас бўлиб қолиши ҳам мумкин эди.

“Форсаж” — Dodge Charger

Агар “Форсаж” фильмлар сериясини кўрган бўлсангиз, Доминик Тореттога отасидан мерос қолган 1970 йилги Dodge Charger’ни эслай оласиз. 2000 от кучидан ортиқ қувватга эга ҳашаматли қора автомобиль биринчи қисмда даҳшатли аварияга учраган. Аммо “Форсаж”нинг тўртинчи, сўнгра еттинчи қисмида яна экранларга қайтган.

“Такси” — Peugeot 406

Франциялик тезюрар такси ҳайдовчиси ҳақидаги фильмдаги асосий роллардан бири Peugeot 406 седанига насиб этди. Автомобиль оддий такси машинасидан оғир ва кучли двигателли пойга автомобилига айланиши мумкин эди.

“Ы операцияси ва Шурикнинг бошқа саргузаштлари” — СМZ С-3А

“Ы операцияси ва Шурикнинг бошқа саргузаштлари” совет фильмида Витсин, Моргунов ва Никулин усти очиқ кичик машинада юришган — гап СМZ С-3А автомобили ҳақида бормоқда. Аслида бу 1960 йилда Серпуховский мототцикл заводида ишлаб чиқарилган мотоколяска. Халқ орасида уни “Моргуновка” деб аташарди. Мотоколясканинг қуввати 10 от кучи ва максимал тезлиги 60 км/соат эди.

“Юра даври парки” — Ford Explorer

Ford “Юра даври парки” фильмини суратга олган киностудия билан шартнома имзолаш учун қўлидан келганини қилди. Ва у янглишмади — бу энг самарали реклама бўлди: Стивен Спилберг фильми чиққанидан сўнг Ford Explorer йўлтанламас бутун дунёга танилди.

“Арвоҳ овчилари” — Cadillac Miller-Meteor

60 йилларда ҳақиқий ҳаётда Cadillac Miller-Meteor асосан дафн маросими ва тез тиббий ёрдам машинаси сифатида фойдаланилган. “Арвоҳ овчилари” фильми режиссёри Айван Райтман айнан шундай ўтмишга эга автомобиль ёвуз кучлардан азият чекаётганларга ёрдамчи бўлиши керак, деган хулосага келади. Қувурлар ва қўшимча жиҳозлар машинага ўзига хос жозиба бахш этган.

“Аҳмоқ ва ундан ҳам аҳмоқ” — Ford Econoline

Ит кўринишида безатилган микроавтобус — “Аҳмоқ ва ундан ҳам аҳмоқ” фильмидаги Гарри ва Ллойднинг автомобили. Унда дўстлар аэропортда “йўқотилган” чамадонни қайтариш учун Аспенга йўл олишган.

Бу авто шунчалик машҳурки, 1960 йилдан буён ишлаб чиқарилмоқда ва ҳозирга қадар ушбу микроавтобусларнинг тўрт авлоди мавжуд. Фильмда учинчи авлод модели тасвирланган. Унинг кузови устига ёпинчиққа ўхшаш нарса кийдирилган: “ит”нинг қулоқлари юқори тезликда кулгили тарзда ҳилпирайди, машинага ёнилғи қуйиш учун эса унинг орқа оёғини кўтариш керак бўлади.