Италиянинг Automobili Lamborghini машина ишлаб чиқарувчиси ўзининг Temerario гибрид суперкарини расман тақдим этди. Премьера Торонто (Канада)даги Ricardaʼs ресторанида ёпиқ тадбир давомида бўлиб ўтди. Янгиликни шахсан Automobili Lamborghini Americas’нинг бош директори Андреа Балди тақдим этди.
Суперкар учта электр мотор билан биргаликда 907 от кучига эга бўлган мутлақо янги икки турбо V8 двигателини олди. Бу 10 000 айланиш тезлигига эриша оладиган биринчи сериялик V8 бўлиб, 2,7 сонияда 0-100 км/соат тезликка эришиш ва 340 км/соатдан юқори максимал тезликни таъминлайди.
Temerario Lamborghini томонидан 2021 йилда эълон қилинган Direzione Cor Tauri стратегиясининг якуний босқичи бўлди. Ушбу модел бренднинг барча модел қаторини тўлиқ гибридизацияланганини англатади.
Автомобиль Италиянинг СантъАгата Бологнесе шаҳрида, Lamborghini анъанавий уйи бўлган жойда ишлаб чиқилган ва йиғилган.
Компания ўсиш босқичида: 2024 йилда Lamborghini 10 687 та автомобиль етказиб бериш билан янги рекорд ўрнатди, бу ўтган йилга нисбатан 5,7 фоиздан кўп. Янги Temerario ва Direzione Cor Tauri стратегияси билан бренд 2030 йилга бориб ҳар бир автомобиль учун чиқиндиларни 40 фоизга камайтиришни режалаштирмоқда.
Lamborghini Temerario’ни етказиб бериш 2026 йилда бошланади. Автомобильнинг тавсия этилган чакана нархи 311580 долларни ташкил этади.
Изоҳ (0)