Ўзбекистонда доимий аҳолининг неча фоизи меҳнатга лаёқатли экани маълум бўлди.
Миллий статистика қўмитаси маълумотларига кўра, Ўзбекистон Республикасида 2025 йилнинг 1 апрель ҳолатига доимий аҳоли сони 37 697,8 минг кишини ташкил этди.
Доимий аҳоли сонининг ёш гуруҳлари бўйича таркиби қуйидагича:
- меҳнатга лаёқатли ёшдан кичиклар – 12,1 млн киши (32,1 фоиз);
- меҳнатга лаёқатли ёшдагилар – 21,1 млн киши (56 фоиз);
- меҳнатга лаёқатли ёшдан катталар – 4,5 млн киши (11,9 фоиз).
Ўзбекистоннинг доимий аҳолиси сони ўтган йилнинг мос даври билан солиштирилганда 2 фоизга ошган.
Шундан:
- аёллар сони — 18 714,9 минг киши;
- эркаклар сони — 18 982,9 минг киши;
- шаҳар жойларда — 19 216,4 минг киши;
- қишлоқ жойларда — 18 481,4 минг киши.
Мамлакат аҳолиси 2025 йил бошидан буён 154,6 минг кишига кўпайган. Ўзбекистон аҳолиси 2025 йилнинг ҳар бир ойида ўртача 51,5 минг кишига ошган, ҳар бир кунида эса доимий аҳоли сони ўртача 1,7 минг кишига кўпаймоқда.
Ўзбекистонда 2025 йилда неча киши вафот этиши мумкинлиги прогноз қилинган эди. Ўзбекистонда ўлимлар сони 2025 йилда 223,9 минг кишини ташкил этиши тахмин қилинмоқда. Статистика агентлиги маълумотларига кўра, Ўзбекистонда ўртача умр кўриш давомийлиги 74,3 ёшни ташкил этади. Мамлакатда ўлим ҳолатларининг ярмидан кўпи қон айланиш тизими касалликлари сабаб юз бермоқда.
Изоҳ (0)