Қозоғистон Меҳнат вазирлигининг 2025 йил 6 мартдаги буйруғи билан мамлакат колонияларидан озод этилганлар учун вақтинчалик яшаш масканлари ташкил этилади.
Масканлар жазони ўташ колонияларидан озод қилинган, пробация хизматида ҳисобда турган, одам савдоси ва маиший зўравонликдан жабрланган ҳамда доимий яшаш манзилига эга бўлмаган фуқаролар учун хизмат қилади.
Бундай масканлар аҳолиси 100 минг кишидан ортиқ бўлган ҳудудларда ташкил этилади.
Ҳудудий бошқарув органлари қарорларига кўра аҳоли сони 50 минг кишини ташкил қилган туман, қишлоқларда шундай махсус масканлар қурилиши мумкин. Агар
- республика аҳамиятига эга шаҳарлар, пойтахт ва вилоят аҳамиятига эга шаҳарларида, махсус ижтимоий хизматларга муҳтожлар сони камида 50 кишини ташкил этса;
- туман аҳамиятига эга шаҳарлар, қишлоқлар, туманлар ва қишлоқ округларида, агар махсус ижтимоий хизматларга муҳтожлар сони камида 25 кишини ташкил этса шундай марказлар қурилишига рухсат берилади.
Яшаш масканлари стационар, ярим стационар ва уйда хизмат кўрсатиш шароитида фаолият юритиши мумкин.
Маълумот ўрнида, 2024 йил якунига кўра, Қозоғистонда 502 та давлат ташкилоти, 122 та нодавлат нотижорат ташкилоти томонидан махсус ижтимоий хизматлар кўрсатилган. Улар орасида махсус ижтимоий хизматлар кўрсатиш марказлари, кундузги қолиш марказлари, реабилитация марказлари ва уйда ижтимоий ёрдам кўрсатиш бўлимлари мавжуд.
Изоҳ (0)