Малайзиянинг Субанг-Жая шаҳридаги газ қувурида содир бўлган ёнғин оқибатида камида 145 киши жабрланган. Бу ҳақда Мalay Mail газетаси полиция маълумотларига асосланиб хабар берди.
Таъкидланишича, газ қувурида портлаш юз берган. Ёнма-ён турган кўп қаватли бинолардан ҳам баланд олов устуни осмонга кўтарилган. Сўнгги маълумотларга кўра, 150га яқин одам жароҳат олган.
Маълумотларга кўра, 100дан ортиқ киши куйиш ва бошқа жароҳатлар билан касалхоналарга ётқизилган. Атрофдаги аҳоли хавфсиз ҳудудларга кўчирилмоқда. 190 дан ортиқ уй ва 159 та транспорт воситаларига зарар етган.
Газ қувури Petronas давлат энергетика компаниясига қарашли. Компания вакиллари яқин атрофдаги ёқилғи қуйиш шохобчаларига зарар етмаганини маълум қилишган.
Изоҳ (0)