Ўзбекистон Республикаси Президентининг Малайзияга расмий ташрифи доирасида Havas Holding вакиллари бизнес-форумда иштирок этиб, 200 млн доллардан ортиқ қийматга тенг битимларни имзоладилар.
Havas Holding — 2018 йил Ўзбекистонда асос солинган ва жадал суръатларда ривожланиб келаётган компаниялар гуруҳи ҳисобланади. Ҳозирда Havas Holding ўз фаолиятини тўрт йўналишда амалга оширади — ритейл, девелопмент, қишлоқ хўжалик маҳсулотларини етиштириш ва ФМCГ-товарлар дистрибуцияси. Холдинг корхоналарида 4000 дан зиёд ходимлар меҳнат қилади. Havas Holding фаолият кўрсатган йиллар давомида ўзини ишончли ва барқарор компаниялар гуруҳи сифатида намоён қилиб, йирик халқаро ҳамкорларнинг ишончини қозонишга эришди.
Шу йилнинг 4-5 февраль кунлари Havas Holding вакиллари Ўзбекистон Республикаси Президенти Ш.М. Мирзиёэвнинг Малайзияга расмий ташрифи доирасида Куала-Лумпур шаҳрида ўтказилган бизнес-форумда иштирок этдилар.
Мазкур бизнес-форум давомида Havas Holding ва Малайзиянинг йирик компаниялари ўртасида қатор салмоқли битимлар тузилди.
Хусусан, Мйдин гипермаркетлар йирик тармоғи билан умумий қиймати 100 млн долларга тенг муҳим ҳамкорлик битими имзоланди. Томонлар ўртасидаги келишувга биноан, Havas Holding ва Мйдин халқ истеъмоли товарлари ва қишлоқ хўжалиги маҳсулотлари савдосини амалга оширади.
Бу орада Сри Тернак Март супермаркетлар тармоғи билан тузилган 50 млн долларлик икки томонлама келишув ҳам компанияларнинг савдо соҳасидаги ўзаро ҳамкорлигини назарда тутади.
Havas Holding ва Малайзиядаги Дразу International корхонаси ўртасида ҳамкорлик тўғрисидаги битим имзоланди, шунингдек, КК Март тармоғи билан ҳам истиқболли ҳамкорлик қилиш кутилмоқда.
Шу билан бирга, Малайзиядаги энг йирик қаҳвахона тармоқларидан бири саналган Ричиамо Cоффее билан 20 млн долларлик битим имзоланди. Келишувлар Ўзбекистонда қаҳва бозорини ривожлантириш ҳамда Ричиамо Cоффее бренди остида франчайзинг қаҳвахоналари очилишини назарда тутади.
Ўзбекистон ва Малайзия ўртасида ташкил этилган бизнес-форум майдонида Ўзбекистонда Havas Holding билан ҳамкорлик доирасида 100 дан ортиқ ёқилғи қуйиш шохобчаларини барпо этишни режалаштирган Малайзиянинг ФIVE Petroleum ёқилғи қуйиш шохобчалари тармоғи билан ҳамкорликни йўлга қўйиш истиқболлари муҳокама қилинди.
Расмий ташриф чоғида Havas Holding вакиллари ярим ўтказгичлар ва микросхемаларни ишлаб чиқариш соҳасида тажриба алмашиш учун МIMOС заводи ҳамда Паханг шаҳридаги тайёр гўштли таомларни ишлаб чиқишга ихтисослашган ЙП Heaven заводига ҳам ташриф буюрдилар.
Шу аснода, Havas Holding Ўзбекистоннинг бошқа мамлакатлар билан савдо-иқтисодий алоқаларини ривожлантиришга қаратилган халқаро ҳамкорликка доир фаолиятини янада такомиллаштиришда давом этади.
Изоҳ (0)