Таиланд жанубидаги Яла провинциясида 14 май куни оқшомдан 15 май тонгигача давом этган серияли портлашларда 38 киши жабрланди, деб хабар қилади ТАСС.
Турли туманларда 23 та портлаш рўй бергани қайд қилинди. Ёвуз ниятли кимсалар одамлар кўп жойларда қуввати кам бўлган қўлбола қурилмаларни ҳаракатга келтирган.
Полиция бу ишни содир этган айирмачиларнинг мақсади қурбонлар сонини ошириш эмас, одамларда қўрқув уйғотиш бўлганини таъкидлади. Маҳаллий аҳолига маълум бир вақт уйни тарк этмаслик тавсия қилинди.
Таиланд жанубида бир нечта айирмачи гуруҳлар бор. Улар мусулмон салтанати қуриш учун 10 йилдан бери ҳукуматга қарши жанг олиб бормоқда. Бу вақт давомида Яла, Паттани, Наратхиват ва Сонгкхла провинцияларида 6 минг одам ҳалок бўлди. Таиланд ҳукумати 2014 йилнинг охиридан бери тинчликка эришиш учун қўшни Малайзия воситачилигида айирмачилар билан музокара олиб бормоқда.
Изоҳ (0)