Фарғона вилояти Бувайда туманидаги “Мега парк”да жанжаллашган шахслар маъмурий жавобгарликка тортилди. Бу ҳақда вилоят ИИБ ахборот хизмати хабар берди.
Қайд этилишича, 16 июнь куни вояга етмаганлар О.М., М.А. ҳамда А.Ш. мазкур парк ҳудудида ўзаро гап талашиб, жанжаллашган. Жанжалга вояга етмаган А.Ш.нинг қариндоши Ш.Ш. ҳам аралашган.
Мазкур ҳолат шу жойнинг ўзида ички ишлар органлари ходимлари томонидан бартараф этилиб, юқоридаги шахсларга нисбатан Маъмурий жавобгарлик тўғрисидаги кодекснинг 52- (енгил тан жароҳати етказиш), 183-моддалари (майда безорилик) билан ҳужжатлар расмийлаштирилган ва тегишли судловга юборилган.
Бир неча кун олдин Тошкент шаҳар Бектемир тумани “Чашма” маҳалласида истиқомат қилувчи бир-бирига қўшни бўлган фуқаролар ўзаро келишмовчилик сабабли жанжаллашгани тўғрисида хабар берилганди. Натижада икки нафар фуқаро енгил даражадаги жароҳат олган. Ундан олдинроқ эса ижтимоий тармоқда Олмалиқда аёллар гуруҳ бўлиб жанжаллашаётгани айтилган видеолар тарқалган эди.
Изоҳ (0)