АҚШда Bloomberg компаниясининг собиқ менежери Ричард Самарел, рафиқаси Лина Мария Самарел ва 9 ёшли қизи уйида ўлик ҳолда топилди. Бу ҳақда New York Post хабар берди.
Полиция Жанубий Каролинадаги оиланинг ўлим сабаблари ҳақида маълумот бермай, жамоатчиликка ҳеч қандай хавф йўқлигини таъкидлади. Уларнинг бахтсиз ҳодиса сабабли ҳалок бўлгани ёки ўлим жиноят билан боғлиқ экани ҳозирча номаълум.
Эр-хотиннинг яна бир қизи ва кичик ўғли бор, уларга зарар етмаган. Полиция ҳодиса содир бўлган вақтда улар мактабда бўлганини билдирди.
Ижтимоий тармоқлардаги маълумотларга кўра, эр-хотин 2009 йилдан бери бирга яшаб келмоқда. 54 ёшли Ричард Самарел илгари Bloomberg LP компаниясида инвестиция менежери бўлиб ишлаган, 45 ёшли Лина эса АҚШ фахрийлар департаментида фаолият юритган.
Оиланинг бадавлат экани таъкидланмоқда. Улар яшаган уй 800 минг доллар қийматга эга экани маълум қилинган.
Изоҳ (0)