AQSHda Bloomberg kompaniyasining sobiq menejeri Richard Samarel, rafiqasi Lina Mariya Samarel va 9 yoshli qizi uyida o‘lik holda topildi. Bu haqda New York Post xabar berdi.
Politsiya Janubiy Karolinadagi oilaning o‘lim sabablari haqida ma’lumot bermay, jamoatchilikka hech qanday xavf yo‘qligini ta’kidladi. Ularning baxtsiz hodisa sababli halok bo‘lgani yoki o‘lim jinoyat bilan bog‘liq ekani hozircha noma’lum.
Er-xotinning yana bir qizi va kichik o‘g‘li bor, ularga zarar yetmagan. Politsiya hodisa sodir bo‘lgan vaqtda ular maktabda bo‘lganini bildirdi.
Ijtimoiy tarmoqlardagi ma’lumotlarga ko‘ra, er-xotin 2009-yildan beri birga yashab kelmoqda. 54 yoshli Richard Samarel ilgari Bloomberg LP kompaniyasida investitsiya menejeri bo‘lib ishlagan, 45 yoshli Lina esa AQSH faxriylar departamentida faoliyat yuritgan.
Oilaning badavlat ekani ta’kidlanmoqda. Ular yashagan uy 800 ming dollar qiymatga ega ekani ma’lum qilingan.
Izoh (0)