Жанубий Корея кино саноати фақатгина “Калмар ўйини”дан иборат эмас. Мамлакатда ҳар йили бутун дунё бўйлаб миллионлаб томошабинларнинг севимлисига айланган юзлаб ёрқин сериаллар ишлаб чиқарилади.
“Пастки қаватдаги қиз” (2023)
IMDb рейтинги - 7,3
Машҳур К-поп гуруҳининг бош вокалисти Ли Ду На кутилмаганда шоу-бизнес фаолиятини ташлаб, коллеждаги ётоқхонага кўчиб ўтади. Юқори қаватда эса Ли Вон-Жун исмли оддий биринчи курслик йигит яшайди. Аввалига у сирли қўшнига эътибор бермайди. Аммо аста-секин қиз уни кўпроқ ва кўпроқ мафтун қила бошлайди.
“Вақт сен томон чорламоқда” (2023)
IMDb рейтинги — 7,8
Хан Жун Хи йигитининг ўлимидан ўзига келолмайди. Тўсатдан у 1998 йилга бориб қолади. У ўзига ўхшаган ўрта мактаб ўқувчисининг танасида жонланади. Ва у ўлган йигитига жуда ўхшаш йигитни учратади. Қаҳрамон уни ўтмишга олиб келган сирни очиши ва яна бир бор севган одами билан вақт ўтказиши керак бўлади.
“Триумф” (2022)
IMDb рейтинги - 8.1
Мун Донг Эун исмли қизни мактабда синфдошлари қаттиқ дўппослайди. Безорилик туфайли у мактаби ва ҳатто меъмор бўлиш орзусидан воз кечади. Йиллар ўтиб, қаҳрамон ўқитувчи бўлиб ишлайди. Тақдирни қарангки, синфида ўша вақтда безориликка бош бўлган қизнинг боласи ҳам ўқийди. Энди Мун Донг Эун қасос олишни бошлайди.
“Тақдир” (2023)
IMDb рейтинги - 7,7
Ли Хонг Жо оддий давлат хизматчиси, шунга яраша оддий ҳаёт кечиради. Адвокат Чанг Хинг Ю эса ўтмишдаги “хатоси” учун ёмон хаёллардан қутила олмайди. Уни бу қисматдан фақат Хонг Жо қутқара олади, чунки у ўтмишдаги шаманнинг давомчиси. Бир куни у махфий афсунлар солинган қути очиш учун Хонг Жога элтиб беради. Қаҳрамонлар бир-бирларини қандай севиб қолишганини сезмайди. Фильм севги учбурчагини ҳис қиласиз.
“Эртага” (2022)
Рейтинг - 7,9
Чои Жун-Вунг нуфузли университетни тамомлайди, лекин яхши иш тополмай ҳалак. Қаҳрамон обрўли иш топишга бўлган ишончини йўқотгач, ўлим хабарчилари жамоасини (корейс мифологиясидаги одамларни сўнгги сафарга олиб кетаётган мавжудотлар) учратади. Улар унга умидсизлик ришталаридан халос бўлишга ва ўз жонига қасд қилаётган инсонларни ҳаётга қайтаришга ёрдам беришади. Бу жамосадагиҳар бир қаҳрамон ўз ўтмишида ўз жонига қасд қилган ва албатта бундан афсусланганиникўришмумкин. Фильмнинг ютуғи сифатида Кореяда авж олган ўз жонига қасд қилишларни қоралаб чиқишидир.
“Жаҳаннамдан келган бегоналар” (2019)
Рейтинг - 7,8
Юн Жонг Ву яқиндагина пойтахтга кўчиб ўтади ва ишга жойлашади. Унинг қурби етадиган ягона турар жой арзон ётоқхона эди. Аммо қўшнилари унга жуда ғалати ва шубҳали кўринади. Вақт ўтиши билан қаҳрамонни янада қўрқитадиган воқеалар содир бўла бошлайди.
“Кичик аёллар” (2022)
Рейтинг - 7,8
Томошабинлар бу фильмни “Кичик аёллар”нинг ажойиб версияси деб ўйлашади. Аммо фильм сюжети классик картинадан тубдан фарқ қилади.
Сериал бош қаҳрамонлари камбағал оиланинг уч нафар қизи. Қизларнинг тақдири нуфузли корейс оиласи билан чамбарчас боғлиқ. Оиласини бадавлат қилиш орзусида бўлган энг катта қиз О Ин Жу жиноий тўдадан бирига тегишли катта миқдордаги пулни топиб олади. Ўртанча қиз О Ин Гёнг бу миллиардерни фош қилиш учун журналистик суриштирув олиб боради. Кичик сингил О Ин Хе эса ўша жиноятчининг қизи билан дўстлашади. Кутилмаган алоқа икки оила ўртасидаги қарама-қаршиликка айланади.
“Биламан, лекин...” (2021)
Рейтинг - 7.1
Же Эон эътибор марказида бўлишни яхши кўрадиган келишган йигит. У ҳамма унинг атрофида парвона бўлишини хоҳлайди. Лекин севгига ишонмайди, ишқий муносабатларни бемаъни деб ҳисоблайди. На Би — хиёнатни бошдан кечирган қиз. У муносабатлардан қочмайди, лекин ҳеч кимга ишонишни хоҳламайди. Бир куни иккови учрашиб қолишади. Энди улар дўст бўлиб қолиш, абадий ажралиш ёки севгига ишонишга ҳаракат қилиш ҳақида қарор қабул қилишлари керак.
“Йигирма беш, йигирма бир” (2022)
Рейтинг - 8,6
Ёш На Ҳи До қиличбозлик билан шуғулланади ва шу спорт тури бўйича энг зўри бўлишни орзу қилади. Бир куни у кумирининг жамоасига қабул қилинади, лекин мураббий ўрнига у рақибга дуч келади. Айни пайтда қиз Баэк Йи-Жин исмли йигит билан танишади. Отаси банкрот бўлгани учун йигит ҳар қандай ишда ишлашга мажбур. Шахсий муаммолар фонида қаҳрамонлар мураккаб ва оғриқли севги можаросини бошдан кечиради.
Изоҳ (0)