Таиланд шимолидаги Уттарадит провинциясида саккиз ёшли бола бир неча йил давомида олтита ит билан бирга яшаб келгани аниқланди.
Боланинг онаси ва 23 ёшли акаси гиёҳвандликка ружу қўйган. Аёл боланинг таълими учун мунтазам равишда давлатдан субсидия — тахминан 400 бат (қарийб 12,5 доллар) олган бўлса-да, уни мактабга бермаган. Бола гапиришни ўрганмаган, фақат вовуллаган. Шунингдек, у ҳайвонларга хос хатти-ҳаракатларни ўзлаштирган: тўрт оёқлаб эмаклаган, одамлардан қочган ва вақтининг кўп қисмини итлар билан ўтказган.
Маҳаллий мактаб директори бу ҳолат ҳақида хайрия ташкилотига хабар берган. Шундан сўнг маълумот полицияга етказилган. Оила гиёҳвандлик билан боғлиқ жиноятчилик даражаси юқори бўлган ҳудудда яшаган.
Қўшниларининг айтишича, боланинг онаси ибодатхоналар олдида мунтазам тиланчилик қилган. Маҳаллий аҳоли эса у билан мулоқот қилишдан қочган. Ҳатто уларнинг фарзандлари ҳам 8 ёшли бола билан мулоқотда бўлмаган.
У гапирмасди, фақат акилларди. Бу даҳшатли манзара эди. Биз уни кузатишда давом этамиз ва керакли ёрдамни олишини таъминлаш учун бор кучимизни сарфлаймиз. Унинг яхши ҳаёт кечиришга имконияти бор, деди Павина Кҳонгсакул.
Полиция 30 июнь куни вайронага айланган кулбага етиб келган. Боланинг онаси ва акаси тақиқланган моддаларни истеъмол қилгани учун ҳибсга олинган. Бола эса ҳозирда маҳаллий болалар уйига жойлаштирилган. Таиланд расмийлари уни ҳозирча фақат “А” деб атамоқда.
Изоҳ (0)