Жазирама ва қурғоқчилик Европада кенг кўламли ўрмон ёнғинларини келтириб чиқармоқда. Оқибатда 2025 йилда минтақада деярли Люксембург майдонига тенг ҳудуд ёниб кул бўлган. Бу ҳақда Euronews хабар берди.
15 июль ҳолатига кўра, ёнган ҳудудларнинг умумий майдони 231 539 гектарни ташкил этади. Бу ўртача кўрсаткичдан 119 фоизга кўп дегани.
Сўнгги ҳафталарда Туркиядаги ўрмон ёнғинлари ўн минглаб одамларни яшаб турган уйларидан кўчишга мажбур этган ва камида 3 кишининг ҳаётига зомин бўлган. Крит оролида оммавий эвакуация эълон қилиниб, Марселда ёнғинлар тартибсизликларга сабаб бўлган. Бу ҳодисалар рўйхати ўсишда давом этмоқда.
Иқлим ўзгариши ёнғинлар кўпайишига сабаб бўлмоқдами?
Wилдфире ахборот агентлигига кўра, ҳафталик ёнғинларнинг умумий сони ҳам ўртача кўрсаткичдан анча юқорилаган. 15 июль ҳолатига кўра, Европа минтақасида ҳафтада ўртача 1 230 та ёнғин содир бўлган. Одатда йилнинг бу даврида ўртача 478 та ҳодиса қайд этилар эди. Ёнғинларнинг кўпайиши асосан февраль ва март ойларидаги қуруқ ва иссиқ ҳаво сабаб юзага келган.
Қўшимча қилинишича, атмосферага углерод чиқиндилари чиқишининг кўпайиши ҳавони исишига ва ёғингарчиликнинг камайишига олиб келади. Бу ҳолат ўрмонларни қуритиб, уларни ёнғинларга янада мойил қилиб қўяди.
Иқлимшунос олим Марк Паррингтоннинг таъкидлашича, 16 июлга қадар Европа Иттифоқининг барча мамлакатларидан ўрмон ёнғинлари сабаб атмосферага чиқарилган углерод чиқиндилари 1,9 мегатоннани ташкил этади.
Қайси давлатлар ёнғиндан зарар кўрган?
Бу йилги ёнғинлардан азият чеккан давлатлар қаторига Туркия, Буюк Британия, Греция, Португалия, Испания ва Руминия киради.
Изоҳ (0)