Голливуд президентлар ҳаёти ҳақидаги фильмларни суратга олиб, энг долзарб ва ўта нозик мавзуларни кўтаришдан қўрқмаслигини исботлашга улгурган. Қуйида давлат раҳбарлари ҳаёти ҳақида ҳикоя қилувчи энг яхши фильмлар санаб ўтилади.
“Жон Ф. Кеннеди: Далласдаги отишмалар” 1991
11.22.63 – Америка Қўшма Штатлари тарихидаги энг қайғули саналардан бири. Шу куни АҚШнинг 35-президенти Жон Кеннедига суиқасд уюштирилди. Оливер Стоуннинг Далласдаги отишмалар ҳақидаги картинаси орадан қарийб 30 йил ўца ҳам кинематограф тарихидаги энг кўп мунозараларга сабаб бўлган фильмлардан бири бўлиб қолмоқда. Давлат президентининг даҳшатли ўлими ҳақидаги реал воқеаларга асосланган бу фильм бирданига иккита “Оскар” мукофотига сазовор бўлган.
“Фрост Никсонга қарши” 2008
Уотгейт жанжалидан кейин, яъни 1977 йилдаги намойиш сабаб АҚШнинг собиқ президенти Ричард Никсон британиялик телебошловчи Девид Фростга эксклюзив интервью беради. Ўзининг ҳукмронлиги ва юқорида айтиб ўтилган жанжал ҳақида гапирар экан, уларнинг суҳбати Америка телевидениеси олтин хроникасига кирган интеллектуал жанжалга айланади. Рон Ховарднинг “Питер Морган” номли песаси асосида суратга олинган “Фрост Никсонга қарши” фильми беш карра “Оскар” мукофотини олган.
“Линкольн” 2012
Замонанинг энг яхши режиссёрларидан бири Стивен Спилбергнинг АҚШнинг 16-президенти ҳаёти ҳақидаги “Линкольн” фильми “Оскар” мукофотига лойиқ кўрилган фильмлари қаторига қўшилди. АҚШнинг севимли президентларидан бири бўлган Авраам Линкольн Вакиллар палатаси орқали қулликдан халос бўлган. Унинг президентлиги даврида фуқаролар урушига барҳам берилган. Фильм Дорис Кернс Гудвиннинг “Рақиблар жамоаси” сценарийси асосида суратга олинган.
“Никсон” 1995
Фильм сюжети АҚШнинг собиқ президенти Ричард Никсоннинг ҳаётига бағишланган. Унинг президентлиги шармандалик билан якун топган. У импичментга йўл қўймаслик учун истеъфога чиққан Американинг ягона президенти бўлган. Бу эмоционал драма тўрт карра “Оскар” олган.
“Америка президенти” 1995
Сюжет марказида АҚШ президенти Эндрю Шепард туради. Бу образ ҳаётда фақат ўз бахтини қидирган одам. Фильмни томоша қилган ҳар бир кишида президент ҳам севиб қолиши мумкинми, деган савол туғилади. Бу фильм “Олтин глобус” кино мукофотининг бешта номинацияси ғолиблигини қўлга киритган.
“Президент самолёти” 1997
“Президент самолёти” фильми АҚШ ҳаво кучларининг энг кўп қўриқланадиган биринчи рақамли ҳаво кемасининг қўлга олиниши тарихи билан боғлиқ. Президент самолёти музокаралардан сўнг унинг оиласи ва администрацияси билан ҳавога кўтарилганида коммунистлар бошчилигидаги бир гуруҳ террорчилар томонидан ишғол қилади. Бундай дақиқада президент олдида фақатгина ўз яқинлари ҳаётини сақлаш вазифаси туради. Бу фильм орқали президент нафақат халқ, балки ўз яқинларини қўриқловчи оила бошлиғи эканлиги кўрсатилади.
“Олимпнинг қулаши” 2013
Ушбу фильм воқеалари бир гуруҳ террорчилар Оқ уйга ҳужум қилиб, президентни гаровга олиши билан бошланади. Фильм режиссёри Антуана Фукуа бош ролга барчанинг севимли ижрочиси Жерард Батлерни танлади. Президентни қутқара оладиган ягона одам эса давлат хавфсизлик хизмати собиқ бошлиғи Майк Бан эди. Аммо у ўзини фош қилиб президентга ёрдам берадими? Фильмни кўргач бу саволга жавоб топасиз.
“Оқ уйга ҳужум” 2013
Фильм воқеалари Оқ уйга номаълум шахс томонидан уюштирилган ҳужум билан бошланади. Президент хавфсизлигини таъминлашга масъул офицер президенти ҳаётини сақлаб қолишда жасорат кўрсатади. Роланд Эммерихнинг “Оқ уйга ҳужум” фильми МTV’нинг “Энг яхши қаҳрамон” номинациясига лойиқ деб топилган.
“Линкольннинг ўлими” 2013
National Geographic телеканали АҚШнинг 16-президенти Авраам Линкольнга қилинган суиқасд ҳақида батафсил тасмани тақдим этди. Сюжет марказида жиноятчи Жон Уилкс Бут туради. У ҳукуматни ағдариш учун катта режа тузади. Унга кўра 1865 йил 14 апрелда қуролланган Жон Бут Форд театрига кириши керак, у ерда Линкольн спектакл томоша қилаётган бўлади. Бу АҚШ тарихида энг сирли ўлим воқеаси бўлган.
“Фариштанинг қулаши” 2019
Яна бир бор АҚШ президентини қутқаришга мажбур бўлган образни Жерард Батлер гавдалантирди. Аммо бу картинада у президент ҳаётига суиқасд қилишда айбланади. Садоқатли қўриқчи Федерал қидирув бюросидан яширинишга ва уни қурганларни топишга мажбур бўлади. Айбсизлигини исботлаш учун қилган ҳаракатлари фильм воқеалари шиддатини янада оширган.
Бонус: Ўзбекистон Президенти фаолияти ҳақидаги “Жаноб Президент” фильми
“Жаноб Президент” 2018
2018 йилнинг июль ойи охирида Ўзбекистон президенти Шавкат Мирзиёев ҳақидаги ҳужжатли фильм суратга олинди. Унда президент қишлоқларда ҳаёт сифатини яхшилаш, халқнинг турмуш тарзидаги ўзгаришлар, Ўзбекистонни қандай лойиҳалар кутаётганлиги ҳақида сўзлайди.
Изоҳ (0)